مەملەكەت باسشىسى قاسىم-جومارت توقايەۆ فرانسيا پرەزيدەنتى ەممانيۋەل ماكرونعا مايوتتا ارحيپەلاگىندا بولعان جويقىن «شيدو» تايفۋنىنىڭ سالدارىنان كوپتەگەن ادامنىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى، دەپ حابارلايدى aqshamnews.kz
قازاقستان پرەزيدەنتى تابيعي اپاتتان قازا تاپقانداردىڭ تۋىستارى مەن جاقىندارىنا قايعىرا كوڭىل ايتىپ، ولاردىڭ قايعىسىنا ورتاقتاستىعىن ءبىلدىردى. سونداي-اق زارداپ شەككەن ادامداردىڭ تەزىرەك ساۋىعىپ، ومىرلەرىن قالىپقا كەلتىرۋىنە نيەتتەستىك ءبىلدىردى.
كەرەك دەرەك
«شيدو» ەرەكشە داۋىل
«شيدو» – ءۇندى مۇحيتىنان باستاۋ الىپ، مايوتتا ارحيپەلاگىندا اۋىر زارداپ اكەلگەن تابيعي اپات. بۇل تروپيكالىق سيكلون كۇشتى جەل، نوسەر جاۋىن، تاسقىندار جانە لاي كوشكىنى سەكىلدى اۋىر سالدارىمەن تانىمال بولدى. تايفۋن كەزىندەگى جەلدىڭ جىلدامدىعى 150 كم/ساع-تان اسىپ، ەرەكشە كۇشتى داۋىل تۋعىزدى. داۋىل سالدارىنان مايوتتا ارحيپەلاگىندا كوپتەگەن تۇرعىن ۇيلەر قيراپ، ينفراقۇرىلىمعا ايتارلىقتاي زيان كەلدى. ەلەكتر جانە بايلانىس جەلىلەرى ىستەن شىعىپ، كوپتەگەن ادام زارداپ شەكتى. فرانسيا بيلىگى تەز ارادا توتەنشە جاعداي جاريالاپ، قۇتقارۋ جانە قالپىنا كەلتىرۋ جۇمىستارىنا ارنايى قىزمەتتەردى جۇمىلدىردى.
تاقىرىپقا وراي
مايوتتا – ءۇندى مۇحيتىنىڭ باتىس بولىگىندە ورنالاسقان، فرانسيانىڭ تەڭىزدەگى اۋماقتارىنىڭ ءبىرى. ارحيپەلاگ بىرنەشە ارالدان تۇرادى جانە باي ەكوجۇيەسىمەن، تروپيكالىق تابيعاتىمەن تانىمال. مۇندا تابيعي اپاتتار سيرەك بولسا دا، كليماتتىق وزگەرىستەر اسەرىنەن تروپيكالىق سيكلوندار ىقتيمالدىلىعى ارتىپ كەلەدى.