الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى ۇساق بۇزاقىلىق فاكتىسى بويىنشا ەر ادامعا قاتىستى اكىمشىلىك ءىستى قارادى، دەپ حابارلايدى اlmaty-akshamy.kz.
Cوت 2023 جىلدىڭ قازان ايىندا №118 مارشرۋتتىق اۆتوبۋسىنىڭ سالونىندا بولعان كەزدە C-نىڭ بالاعات سوزدەر ايتىپ، د. ەسىمدى جولاۋشىعا قۇرمەتسىزدىك تانىتىپ، ونى قورلاپ، سول ارقىلى قوعامدىق ءتارتىپتى بۇزعانىن انىقتادى.
سوت وتىرىسىندا س. ءىس ماتەريالدارىندا باياندالعان فاكتىلەردى راستادى جانە جاساعان ىسىنە وكىنىش ءبىلدىردى.⠀
«ق ر اقبتك-نىڭ 434-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن س. كىنالى دەپ تانىلىپ، وعان 48 300 تەڭگە مولشەرىندە اكىمشىلىك ايىپپۇل تۇرىندە اكىمشىلىك جازا تاعايىندالدى.⠀سوت ءىستىڭ ءمان-جايىن، سونداي-اق جابىرلەنۋشى مەن ايىپتالۋشىنىڭ تاتۋلاسۋ تۋرالى پىكىرىن ەسكەردى»، دەلىنگەن سوت حابارلاماسىندا.
سوت قاۋلىسى زاڭدى كۇشىنە ەنگەن جوق.