دارىگەرلەر 27 جاستاعى ەر ادامنىڭ تۋا بىتكەن كۇردەلى پاتولوگياسىن تۇزەتىپ، ونى تۋرا ماعىناسىندا اياعىنا تۇرعىزدى، دەپ حابارلايدى almaty-akshamy.kz
الماتى قالا ءتورتىنشى قالالىق اۋرۋحانانىڭ تراۆماتولوگ-ورتوپەدتەرى اۋىر كەمىستىكتى: تۋا بىتكەن ورتان جىلىكتىڭ شىعۋى مەن جامباس بۋىنىنىڭ 4-دارەجەلى تۋا بىتكەن ديسپلازياسىن تۇزەتۋ ءۇشىن بىرەگەي ءارى كۇردەلى وپەراسيا جاسادى.
27 جىل بويى جاس جىگىت دياگنوزىنا بايلانىستى قينالعان، ول ءۇشىن ءجۇرۋ قيىنعا سوقتى، ويتكەنى ءبىر اياعى ەكىنشىسىنەن 7 سم قىسقا بولدى. بۇل بۇكىل تىرەك-قيمىل جۇيەسىنە اۋىر جۇكتەمە. ناۋقاستىڭ ايتۋىنشا، ول كەمىستىك كەسىرىنەن ءوزىن كەم سەزىنىپ، بۇل ونىڭ جەكە ومىرىنە كەرى اسەرىن تيگىزگەن. دەگەنمەن تاباندىلىق پەن جەڭىسكە دەگەن سەنىم ونى جاسىتپادى، جىگىت مەديسينالىق ءبىلىم الىپ، تاراز قالاسىنداعى كلينيكالارىنىڭ بىرىندە مەيىرگەر بولىپ ىستەيدى، سوندا No4 قالالىق كلينيكالىق اۋرۋحانا ورتوپەد دارىگەرلەرى تۋرالى بىلەدى.
«سول اياققا وتا جاسادىق، ەندى بىرەر ايدان كەيىن ەكىنشى جامباس بۋىنىنا وتا جاسايمىز، سودان كەيىن ناۋقاسىمىز ءجۇرىپ، اقساقتىقتان قۇتىلادى. بەس جاسىندا وعان «شىعىپ كەتكەن بۋىندى سالۋ» وپەراسياسى جاسالعان، تۇزەتۋ وستەوتومياسى دا قولدانىلدى، ءبىراق بۇل كومەكتەسپەدى. ناۋقاس بىزگە كونسۋلتاسياعا كەلگەندە، ءبىز وعان وپەراسيا جاساۋدى ۇسىندىق. ول كوپتەگەن جەرگە كورىنىپ، ەم ىزدەگەن. ونىڭ پاتولوگياسىمەن تەك No4 قالالىق كلينيكالىق اۋرۋحانا دارىگەرلەرى اينالىساتىندىقتان، ونى بىزگە جىبەردى. وپەراسيا جاسالعان سول اياق 5-7 سم قىسقا، 4-دارەجەلى ديسپلازيا، پروكسيمالدى سان سۇيەگىنىڭ ۆالگۋستى دەفورماسياسى. ءبىز مۇنداي جاعدايعا جىلىنا 25-30-عا جۋىق وسىنداي وتا جاسايمىز»، – دەيدى No4 قالالىق كلينيكالىق اۋرۋحانانىڭ ەندوپروتەزدەۋ ءبولىمىنىڭ مەڭگەرۋشىسى ماناربەك اۋباكىروۆ.
وپەراسيانى ورتوپەد-تراۆماتولوگ جايدارمان ورازحان جاسادى. دارىگەردىڭ ايتۋىنشا، ناۋقاس ءبىر جىل ويلانىپ، ءتورتىنشى قالالىق اۋرۋحاناعا وتا جاساۋ ءۇشىن قايتىپ كەلگەن. ورتوپەديا جانە تراۆماتولوگيا سالاسىنداعى مۇنداي بىرەگەي جاعدايعا كۋا بولۋ ءۇشىن رەسەيدىڭ قورعان قالاسىنان اكادەميك گ.ا.يليزاروۆ اتىنداعى ۇلتتىق مەديسينالىق تراۆماتولوگيا جانە ورتوپەديا ورتالىعىنىڭ وكىلى اندرەي كامينسكيي كەلدى. قازاقستاندىق جانە رەسەيلىك دارىگەرلەردىڭ بىرلەسكەن وپەراسياسى 4 ساعاتقا سوزىلدى.
«الماتىداعى No4 اۋرۋحانانىڭ حيرۋرگتارىمەن بىرگە ءبىر وپەراسياعا قاتىستىم. وپەراسيا شىنىمەن دە وتە كۇردەلى بولدى جانە مۇنداي وپەراسيانى تاڭداۋ ءۇشىن دارىگەرلەردىڭ سايكەس كاسىبيلىگى، ءبىلىمى مەن تاجىريبەسى قاجەت. بۇل اۋرۋحانا ءۇشىن اتالعان حيرۋرگيالىق ارالاسۋ بىرەگەي نارسە ەمەس جانە دارىگەرلەر كەرەمەت كاسىبيلىك كورسەتتى، ارالاسۋ بىرنەشە وستەوتوميانى قاجەت ەتەتىنىنە قاراماستان، ولار وتە ادەمى، مۇقيات، ءىس جۇزىندە قان جوعالتپاي جۇمىس ىستەدى. ەندوپروتەز ءمىنسىز ورناتىلدى. مەن كەرەمەت حيرۋرگيالىق ارالاسۋعا قاتىسا الدىم دەپ ەسەپتەيمىن جانە مۇنى كورگەنىمە، وسى اۋرۋحانا كورسەتكەن دەڭگەيگە وتە ريزامىن»، - دەپ اتاپ ءوتتى رف دسم "اكادەميك گ.ا.يليزاروۆ اتىنداعى ۇلتتىق مەديسينالىق تراۆماتولوگيا جانە ورتوپەديا ورتالىعى" باس دارىگەرىنىڭ وڭىرلەرمەن بايلانىس جانە ءبىلىم بەرۋ جونىندەگى ورىنباسارى اندرەي كامينسكيي.