قىزداردىڭ اراسىندا قۇراندى جاتقا وقۋدان بايقاۋ وتەدى

مۇنداي بايقاۋ العاش رەت 2016 جىلى الماتى قالاسىندا وتكىزىلگەن.

قازاقستان مۇسىلماندارى ءدىني باسقارماسىنىڭ ۇيىمداستىرۋىمەن قۇران كارىمدى جاتقا وقۋدان قىزدار اراسىندا ءىى رەسپۋبليكالىق بايقاۋ وتەدى، دەپ حابارلايدى Almaty-akshamy.kz قمدب باسپا ءسوز قىزمەتىنە سىلتەمە جاساپ.

اللا تاعالا قۇران كارىمدە يگىلىكتە جارىسۋدى بۇيىرعان بولاتىن. ياعني اللانىڭ كالامىن جاتتاۋ مەن وقۋ ارقىلى جارىسۋعا ۇندەدى. حاق تاعالانىڭ وسى ۇندەۋىن ورىنداۋ ماقساتىندا، قازاقستان مۇسىلماندارى ءدىني باسقارماسى 2016 جىلى الماتى قالاسىندا قۇراندى جاتقا وقۋدان قىزدار اراسىندا تۇڭعىش رەسپۋبليكالىق بايقاۋ وتكىزگەن بولاتىن. ەندى مىنە، ەكىنشى بايقاۋ 9-10 ناۋرىز ارالىعىندا ەل استاناسى نۇر-سۇلتان قالاسىندا وتكىزىلەدى.

 ۇمىتكەر قىزدارعا قويىلاتىن تالاپتار:

– ۇمىتكەردىڭ قازاقستاننىڭ ازاماتى بولۋى مىندەتتى؛

– ۇمىتكەردىڭ جاسى 30-دان اسپاعان بولۋى قاجەت؛

– ۇمىتكەر ءبىر نوميناسياعا عانا قاتىسا الادى؛

– ءار نوميناسيادا تالاپ ەتىلەتىن پارالاردى تولىق جاتتاۋى ءتيىس؛

– جارىسقا قاتىسۋشىنىڭ جاتتاعان پارالارى تولىق بولۋى كەرەك، ياعني ەكى جەردەن جارتى-جارتى پارانى بىرىكتىرىپ ۇسىنۋعا بولمايدى؛

– جارىسقا قاتىسۋ قۇجاتتارىن ۇيىمداستىرۋشىلار بەلگىلەگەن مەرزىمدە تاپسىرۋى كەرەك؛

– ۇمىتكەر ءوز وبلىسىنداعى قمدب وكىلدىگىنىڭ جولداماسىمەن كەلۋى شارت؛

– ءار وبلىستان ءبىر نوميناسياعا ءبىر ۇمىتكەر ۇسىنىلادى (بارلىعى 4 ۇمىتكەر)؛

– قۇراندى جاتقا وقۋ نوميناسياسى بويىنشا رەسپۋبليكالىق جارىستاردىڭ جۇلدەگەرلەرى جارىسقا قاتىسا المايدى.

 بايقاۋدىڭ نوميناسيالارى:

1. قۇراندى تولىق جاتقا وقۋ

1-ورىن (1 300 000 تەڭگە)

2-ورىن (1 000 000 تەڭگە)

3-ورىن (700 000 تەڭگە)

1. قۇراننىڭ 20 پاراسىن جاتقا وقۋ

1-ورىن (800 000 تەڭگە)

2-ورىن (600 000 تەڭگە)

3-ورىن (500 000 تەڭگە)

1. قۇراننىڭ 10 پاراسىن جاتقا وقۋ

1-ورىن (500 000 تەڭگە)

2-ورىن (300 000 تەڭگە)

3-ورىن (200 000 تەڭگە)

1. قۇراننىڭ 5 پاراسىن جاتقا وقۋ

1-ورىن (300 000 تەڭگە)

2-ورىن (200 000 تەڭگە)

3-ورىن (100 000 تەڭگە)

جالپى جۇلدە قورى: 6 500 000 تەڭگە