قىز الىپ قاشۋدىڭ جازاسى قاتاڭ بولادى

ءماجىلىس دەپۋتاتتارى قالىڭدىقتى ۇرلاعانى ءۇشىن جازانى قاتايتۋدى قولدادى.

ءماجىلىس دەپۋتاتى مۇرات ابەنوۆتىڭ ايتۋىنشا، ايىپپۇلدان بولەك، قىلمىستىق جاۋاپكەرشىلىك ەنگىزۋ ۇسىنىلىپ وتىر، ءتىپتى باس بوستاندىعىنان ايىرۋ جازاسى دا قاراستىرىلعان، دەپ حابارلايدى aqshamnews.kz

ول قالىڭدىق ۇرلاعانداردىڭ كوبىنە جازاسىز قالاتىنىن اتاپ ءوتتى. مالىمەتىنشە، مۇنداي وقيعالار نەگىزىنەن ەلدىڭ وڭتۇستىك وڭىرلەرىندە ءجيى تىركەلەدى.

"ەگەر قىز 18 جاسقا تولماسا، نەمەسە كۇش قولدانسا، نە قىلمىس توپ بولىپ جاسالسا، وندا جازا قاتاڭداتىلادى – بەس-جەتى جىلعا دەيىن (باس بوستاندىعىنان ايىرۋ – رەد.) جازاسى بەرىلەدى. بۇل نورمانى نەگە قابىلداپ جاتىرمىز؟ ءۇش جىلدا ءماجبۇرلى نەكە قيۋ جانە ۇرلاۋ بويىنشا پوليسياعا 214 شاعىم ءتۇستى. ونىڭ تەك ونى عانا سوتقا جەتتى. جاعدايلاردىڭ جارتىسىندا ەشقانداي شارا قولدانىلمادى، كىنالىلەر بوساتىلدى. قالعان 205 جاعدايدا ىستەر قارالمادى، قىلمىستىق ءىس جابىلدى. قىزدار ولاردى ۇرلاعانىن، كولىكتەن سەكىرىپ كەتكەنىن، كۇش قولدانىلعانىن دالەلدەسە دە، ەش ناتيجە بولمادى"، – دەدى ابەنوۆ.

دەپۋتاتتىڭ ايتۋىنشا، كەلەسى اپتادا ماجىلىسمەندەر ۇسىنىلعان باستامالاردى ەكىنشى وقىلىمدا تالقىلايدى.