دەپۋتات مۇرات ابەنوۆ پەن مارات باشيموۆ قىز الىپ قاشۋدى قىلمىستىق كودەكستىڭ 125 بابىنا ءبىرىنشى ەسكەرتپە رەتىندە قوسۋدى ۇسىنىپ وتىر، دەپ حابارلايدى aqshamnews.kz.
ولاردىڭ ارىپتەسى ابزال قۇسپان بۇل ەسكەرتپەنىڭ قالاي پايدا بولعانىن جانە ونىڭ جازاسىن ءتۇسىندىردى.
«بۇل «ءماجبۇرلى تۇردە ۇيلەنۋ» بابى دەپ اتالادى. قىلمىستىق كودەكستىڭ 125-بابى «ادام ۇرلاۋ» دەپ اتالادى. سودان بولەك 125-باپتىڭ ءبىرىنشى ەسكەرتۋى رەتىندە ءوز الدىنا بولەك قىلمىستىق قۇرام رەتىندە ەنىپ وتىر»، - دەيدى ابزال قۇسپان.
دەپۋتاتتىڭ مالىمەتىنشە، قازاقستان قىز الىپ قاشۋ بابىن 1997 جىلى قابىلدانعان قىلمىستىق كودەكستە دەكريميناليزاسيالاعان.
«1959 جىلى قازاق كسر قىلمىستىق كودەكسىندە بۇل باپ بولعان. ول كودەكس ءبىزدىڭ تاريحىمىزداعى ەڭ تۇراقتى كودەكس بولدى. 1997 جىلعا دەيىن بۇل نورما كۇشىندە بولدى. 1997 جىلى تاۋەلسىز قازاقستان ءوزىنىڭ العاشقى قىلمىستىق كودەكسىن قابىلداعان كەزدە دەكريميناليزاسيا جاساپ، ول باپتى قىلمىستىق كودەكستەن الىپ تاستاعان بولاتىن. 2015 جىلعى كودەكسكە دە ەنگەن جوق. ءبىراق بۇل جولى ەنگىزۋدىڭ قاجەتتىلىگى تۋىندادى. ويتكەنى، قوعام تاراپىنان كوپ ءوتىنىش ايتىلدى. بىلتىر قۇرىلتايدا مەملەكەت باسشىسى دا وسىنداي ۇسىنىس ايتقان بولاتىن. سودان كەيىن دەپۋتات مارات باشيموۆ پەن مۇرات ابەنوۆ وسىنداي ۇسىنىس بەردى»، - دەدى ابزال قۇسپان.
ەگەر قىز جىگىتتى جاقسى كورىپ، ءوز ەركىمەن بىرگە «قاشىپ» كەتسە، وندا قىلمىستىق جازا كوزدەلمەيدى.
«بۇل باپتىڭ ءوزارا ءتانىس-بىلىس، ءوزارا كەلىسىممەن الىپ قاشقانعا ەش قاتىسى جوق. بۇل جەردە قىزدى ءوز ەركىنەن تىس، كۇش قولدانىپ، الىپ قاشقانعا بايلانىستى ماسەلە كوزدەلگەن. كەز كەلگەن جاعداي ارىز ءتۇسۋى كەرەك. نە قىزدىڭ ءوزى، نە قىزدىڭ اتا-اناسى، نە تۋىستارى، ءتىپتى جاعدايدى بىلەتىن ادامدار ارىز جازا الادى»،- دەيدى قۇسپان.
ۇسىنىلىپ وتىرعان باپتىڭ ءبىرىنشى بولىگى بويىنشا – جەڭىل جازا؛
ەكىنشى بولىگى بويىنشا – اۋىر جازا (بەس جىلدان كوپكە سوتتالۋ)
ءۇشىنشى بولىگى بويىنشا – اسا اۋىر جازا (ون جىلدان كوپكە سوتتالۋ)