ەكى كۇن بۇرىن بايان الاگوزوۆانىڭ كۇيەۋى، كاسىپكەر تۇرسىنعالي الاگوزوۆ قىزمەتكەرلەرىنە پاتەر سىيلاپ، جۇرتتىڭ ىقىلاسىنا بولەندى. جومارت كاسىپكەردىڭ بۇل ارەكەتى الەۋمەتتىك جەلىدە كەڭىنەن تاراپ، كوپشىلىكتىڭ جىلى لەبىزىنە يە بولدى. اqshamnews.kz ءتىلشىسى اتىمتاي جومارت اتانعان الاگوزوۆتىڭ بايلىعىنا شولۋ جاسادى. 

قىزمەتكەرلەرگە 100 پاتەر سىيلاندى 

تانىمال كاسىپكەر تۇرسىنعالي الاگوزوۆ ۇزاق جىل بويى ەڭبەك ەتكەن 100 قىزمەتكەرىنە پاتەر تارتۋ ەتتى. بۇل ازاماتتاردىڭ 80 پايىزى – قاراپايىم جۇمىسشىلار. ولاردىڭ باسىم كوپشىلىگى كومپانيادا 1998 جىلدان بەرى ەڭبەك ەتىپ كەلەدى.

"بۇل – اياقاستى قابىلدانعان شەشىم ەمەس. جىلدار بويى ءبىز بىرگە ەلگە تانىمال ءونىم شىعاردىق. سىزدەردى قۋانتقىم كەلدى. بۇل – العىسىمنىڭ بەلگىسى. كەيبىرەۋلەر مۇنى بيزنەستىڭ الەۋمەتتىك جاۋاپكەرشىلىگى دەيدى، مەن ءۇشىن بۇل – جۇرەك قالاۋى"، – دەدى كاسىپكەر پاتەر كىلتىن تابىستاۋ راسىمىندە.

ەكى كۇن بۇرىن وتكەن كەزدەسۋدە قىزمەتكەرلەرگە كىلت، سەرتيفيكات پەن ءۇيدىڭ قۇجاتى بەرىلگەن.   

بارىنان ايىرىلعان كاسىپكەر بيزنەس-يمپەرياسىن قالاي قايتا قۇردى؟

كursiv.media مالىمەتىنشە، تۇرسىنعالي الاگوزوۆ ەسىمى كوپشىلىككە 2016 جىلى بەلگىلى بولا باستادى. بيزنەسمەن سول جىلى پروديۋسەر بايان الاگوزوۆامەن (ول كەزدە ەسەنتايەۆا - ەسك.) نەكەلەسىپ، وتباسىلىق ءومىرى قوعام نازارىندا ءجيى ايتىلدى. الايدا كاسىپكەرلىك جولى سول كەزەڭنەن كەيىن ءوربىدى.

الاگوزوۆ كاسىپكەرلىككە ەرتە جاستان بەت بۇرعان. 1998 جىلى نەگىزىن قالاعان كومپانياسى بۇگىندە تانىمال سۋسىندارىمەن بەلگىلى. بۇل بيزنەستى ول العاشقى جۇبايى ليايسارا ماراتپەن بىرگە باستاعان. الايدا كەيىن اجىراسقان سوڭ، كومپانياعا قاتىستى داۋ تۋىپ، سوت پروسەسى التى جىلعا سوزىلعان. ناتيجەسىندە كاسىپكەر بيزنەسىن ۋاقىتشا جوعالتتى.

2024 جىلى ۇزاققا سوزىلعان سوت ىستەرىنەن كەيىن كومپانيا قايتادان الاگوزوۆتىڭ اتىنا ءوتتى. ءقازىر ونىڭ جىلدىق تابىسى 41 ملرد تەڭگە، 3000 ادام ەڭبەك ەتەتىن ءىرى كاسىپورىن سانالادى.

2023 جىلى كاسىپكەر شىمكەنت سىرا زاۋىتىن 8 ملرد تەڭگەگە ساتىپ الدى. 1970 جىلى نەگىزى قالانعان بۇل زاۋىت بۇعان دەيىن ءتۇرلى سەبەپتەرمەن مەملەكەت مەنشىگىنە وتكەن بولاتىن.

ال 2024 جىلى الاگوزوۆ ۇن ونىمدەرىن شىعاراتىن كومپانيانى 11 ملرد تەڭگەگە يەلەندى.

بيىل Forbes Kazakhstan الاگوزوۆتى قازاقستانداعى ەڭ باي 75 كاسىپكەر قاتارىنا (61-ورىن) ەنگىزىپ، داۋلەتىن 130 ملن دوللار دەپ باعالادى.

كاسىپكەر قازىرگى جۇبايى بايان ماقسات قىزىنىڭ الەۋمەتتىك باستامالارىنا دا قولداۋ كورسەتەدى. سونىڭ ءبىرى – تۇرمىستىق زورلىق-زومبىلىق كورگەن ايەلدەرگە ارنالعان "ماما كلارا" داعدارىس ورتالىعى. بۇل ورتالىقتى قارجىلاندىرۋ تۇرسىنعالي الاگوزوۆتىڭ جەكە دەمەۋشىلىگىمەن جۇزەگە اسادى.

سونىمەن قاتار، كۇنى كەشە وتكەن "التىن حانىم" جوباسىنىڭ جەڭىمپازىنا الاگوزوۆ كولىك سىيلادى.