ۇلىتاۋ وبلىسىندا قۇنى 500 ملرد-قا جۋىق قوس جوبا جۇزەگە اسىرىلماق، دەپ حابارلايدى almaty-akshamy.kz ۇلىتاۋ وبلىستىق اكىمدىگىنە سىلتەمە جاساپ.
ونىڭ ءبىرىنشىسى جاڭاارقا اۋدانىندا جىلىنا 3،4 ملرد. كيلوۆاتت ەنەرگيا وندىرەتىن جەل ەنەرگيا ستانسياسىن سالۋ بولسا، ەكىنشىسى جەزقازعان قالاسىندا جەل ەنەرگيا ستانسيا مۇنارالارىنىڭ مەتالل كونسترۋكسيالارىن وندىرەتىن زاۋىتتىڭ قۇرىلىسى. ياعني، سوعىلاتىن ستانسيالار جارتىلاي ءوز ونىمىمىزبەن قامتىلماق.
ۇلىتاۋ وبلىسىنىڭ اكىمى بەرىك ءابدىعالي ۇلى جوبالار جۇزەگە اسىرىلعاننان كەيىن وبلىستا قوسىمشا 300-گە جۋىق جۇمىس ورنى اشىلاتىنىن جەتكىزدى. ايتا كەتەيىك، جوبانى ىسكە قوسۋ ءۇشىن جاڭاارقا اۋدانىندا 20 مىڭ گەكتار، ال جەزقازعانداعى زاۋىت قۇرىلىسى ءۇشىن 20 گەكتار جەر تەلىمى ءبولىندى.
وسى ماقساتتا بۇگىن قىتايلىق ينۆەستور Sinohydro، تەحنوگرۋپپسەرۆيس كومپانيالارى جانە ۇلىتاۋ وبلىسىنىڭ اكىمدىگى اراسىندا ءۇش جاقتى مەموراندۋمعا قول قويىلدى. ماڭىزدى ءراسىم بارىسىندا جوسپارلانعان جوبالاردىڭ 2060 جىلعا دەيىن قازاقستاندا كومىرقىشقىل گازىنىڭ شىعارىندىلارىن ازايتۋعا جانە كومىرتەگى بەيتاراپتىعىنا قول جەتكىزۋگە باعىتتالعانى اتاپ ءوتىلدى.
مەموراندۋمعا قول قويىلعاننان كەيىن بولاشاق زاۋىت ورنىندا العاشقى تاس قالاۋ ءراسىمى ءوتتى.