مەملەكەت باسشىسى LY iTECH كومپانياسىنىڭ ءتوراعاسى سزەن فانسين مەن HGTECH Co. Ltd كومپانياسىنىڭ ءتوراعاسى ما سينسياندى قابىلدادى، دەپ حابارلايدى Almaty-akshamy.kz.
پرەزيدەنتكە تۇرمىستىق تەحنيكالاردىڭ، اۆتوكولىكتەر مەن سمارتفونداردىڭ قوسالقى بولشەكتەرىن شىعاراتىن جانە يننوۆاسيالىق تەحنولوگيالار سالاسىندا جۇمىس ىستەيتىن قىتايدىڭ ءىرى جوعارى تەحنولوگيالىق كاسىپورىندارى جونىندە مالىمەت بەرىلدى.
اڭگىمەلەسۋ بارىسىندا ينۆەستيسيالىق جوبالاردى جۇزەگە اسىرۋ جانە قوسالقى بولشەكتەر مەن لازەرلىك قۇرىلعى ءوندىرۋ ءۇشىن قازاقستاننان سيرەك كەزدەسەتىن مەتالداردى تۇراقتى تۇردە جەتكىزۋ ءىسىن جولعا قويۋ پەرسپەكتيۆالارى تالقىلاندى.
سونىمەن قاتار ەلىمىزدىڭ يننوۆاسيالىق الەۋەتىن نىعايتۋ ماسەلەلەرى دە قاراستىرىلدى.
قاسىم-جومارت توقايەۆ ەكى ەلدىڭ ستراتەگيالىق سەرىكتەس ەكەنىن، سونىڭ ىشىندە قىتايدىڭ «ءبىر بەلدەۋ – ءبىر جول» جاھاندىق باستاماسى اياسىندا ىنتىماقتاستىق ورناتقانىن اتاپ ءوتتى.