قازاقستانعا بىلىكتى ءىت مامانداردى تارتۋ ءۇشىن Digital Nomad Visa جوباسى جۇزەگە اسىرىلادى.
ول ورتالىق ازيا جانە تۇركى مەملەكەتتەرىنىڭ ستارتاپتارىن قولداۋعا باعىتتالعان. بۇل تۋارلى ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ءمينيسترى ايتتى، دەپ حابارلايدى Almaty-akshamy.kz qazaqstan.tv-گە سىلتەمە جاساپ.
باعدات ءمۋسيننىڭ ايتۋىنشا ءبىز بىلتىردىڭ وزىندە 334 ملن اقش دوللارىنىڭ ءىت قىزمەتىن شەتەلگە ەكسپورتتاپپىز. ونىڭ جارتىسىنىا جۋىعى ەلوردادا جۇمىس ىستەپ تۇرعان استانا حاب قاتىسۋشىلارىنىڭ ونىمدەرى ەكەن. جالپى بۇل استانا حاب جاڭا ستارتاپتاردى جارىققا شىعارۋعا جانە ونى الەمدىك نارىققا تانىستىرۋعا مۇمكىندىك بەرەتىن جاقسى پلاتفورما رەتىندە ءوزىن كورسەتىپ جاتىر. سوندىقتان قازاقستان ايماقتاعى ءىت سالاسىنداعى ءىرى ويىنشىلاردىڭ بىرىنە اينالىپ كەلە جاتىر دەدى. جالپى قازاقستاندا ءىت سالاسىندا 16 مىڭنان استام كومپانيا بار ەكەن. وندى 180 مىڭنان استام ادام جۇمىس ىستەپ جاتىر.
جالاقىلارى دا وتە جىلدام، قارقىندى ءوسىپ جاتقان كورىنەدى. شامامەن 1 جىلدىڭ ىشىندە 100 مىڭ تەڭگەگە ارتتى دەدى. وسىلايشا ءىت سالاسى قارقىندى دامىپ جاتىر. 2026 جىلعا دەيىن پرەزيدەنت قويعان تاپسىرمانى ياعني، 26 جىلعا دەيىن 1 ملرد دوللاردىڭ ءىت ءونىمىن شەتەلگە ەكسپورتتاۋ مەجەسىن ورىنداۋعا تولىق مۇمكىندىكتەر بار ەكەنىن جەتكىزدى باعدات مۋسين.