«جوقتاۋ» – ارۋان انارتايەۆتىڭ دەبيۋتتىك تولىقمەتراجدى ءفيلمى.
رەجيسسەر 2020 جىلى «ىستىق كول» اتتى العاشقى قىسقامەتراجدى ءفيلمىن دە كينوورتالىقتىڭ كومەگىمەن تۇسىرگەن، دەپ حابارلايدى Almaty-akshamy.kz.
جاڭا كارتينا ۇزاق ۋاقىت بويى شەتەلدە ءومىر ءسۇرىپ جۇرگەن جانە ءوزىن ناعىز شەتەلدىك ازامات سەزىنەتىن جاس قازاقستاندىق عالىمنىڭ تاريحىن باياندايدى. كۇندەردىڭ كۇنىندە تاعدىرىن ايقىندايتىن شەشىم قابىلداماس بۇرىن، ول تۋعان جەرىنە ماڭىزدى ساياحات جاساۋ ءۇشىن ورالادى…
«بۇل ءار كورەرمەنگە اسەر ەتە الاتىن وتە جەكە وقيعا. ويتكەنى، فيلم كوتەرەتىن «ءبىز كىمبىز، قايدان كەلەمىز جانە قايدا بارامىز؟» دەگەن سۇراقتار ءار ادامنىڭ جۇرەگىندە ورىن العان»، - دەيدى كارتينانىڭ پروديۋسەرى ارۋجان دوسىمقوجا.
باستى رولدەردە ەرمەك شىنبولاتوۆ، يسبەك ءابىلماجينوۆ جانە يرينا باركوۆا وينايدى. كامەرانىڭ تىزگىنىن قازاق كينوسىنداعى ازعانا وپەراتور قىزداردىڭ ءبىرى – ايگۇل نۇربولاتوۆا ۇستادى. قويۋشى-سۋرەتشى – ايانا نۇردينوۆا. ءفيلمنىڭ پروديۋسەرلەرى – ارۋجان دوسىمقوجا جانە الەكساندرا سىتنيك. ءفيلمنىڭ كومپوزيتورى سانجار بايتەرەكوۆ.
ءفيلمنىڭ ءتۇسىرىلىمى وتكەن جىلدىڭ كۇزىندە ءوتتى. كينوكارتينانىڭ اۆتورلارى تۋىندىنى حالىقارالىق فەستيۆالدەرگە جىبەرۋدى جوسپارلاپ وتىر.
«جوقتاۋ» تولىقمەتراجدى كوركەم ءفيلمى «ۇلتتىق كينونى قولداۋدىڭ مەملەكەتتىك ورتالىعى» كەاق كومەگىمەن ءتۇسىرىلدى.
