سونداي-اق ءۇرىمشى قالاسىنا تىكەلەي رەيستەر سانى ارتۋى مۇمكىن.
China Southern Airlines اۋە كومپانياسى 2024 جىلعى 23 قاڭتاردان باستاپ اپتاسىنا 3 رەيس جيىلىگىمەن الماتى – بەيجىڭ باعىتى بويىنشا رەيستەر اشۋدى جوسپارلاپ وتىر، دەپ حابارلايدى اlmaty-akshamy.kz ازاماتتىق اۆياسيا كوميتەتىنىڭ باسپا ءسوز قىزمەتىنە سىلتەمە جاساپ.
سۇرانىس ارتقان كەزدە China Southern Airlines اۋەكومپانياسى الماتى قالاسىنان ءۇرىمشى جانە سيان قالالارىنا، سونداي-اق استانا قالاسىنان ءۇرىمشى قالاسىنا 2024 جىلدىڭ كوكتەمگى-جازعى ماۋسىمىنان باستاپ قولدانىستاعى باعىتتار بويىنشا رەيستەر سانىن ۇلعايتۋ مۇمكىندىگىن قاراستىرۋعا دايىن. ءوز كەزەگىندە Loong Airlines اۋەكومپانياسى بيىل جەلتوقسان ايىندا الماتى – حانچجوۋ باعىتى بويىنشا ورىندالاتىن رەيستەر سانىن اپتاسىنا 3 رەيستەن 4 رەيسكە دەيىن ارتتىرۋدى جوسپارلاپ وتىر.
"كەلەسى جىلى جولاۋشىلار اعىنى ارتقان جاعدايدا اۋە كومپانياسى رەيستەر سانىن اپتاسىنا 7-گە دەيىن ارتتىرۋدى كوزدەپ وتىر. سونداي-اق اۋەكومپانيا 2024 جىلى استانا – حانچجوۋ، استانا – چەندۋ جانە الماتى – چەندۋ اۋە باعىتتارى بويىنشا رەيستەردى اشۋ ماسەلەسىن پىسىقتاپ جاتىر. Air China اۋەكومپانياسى دا استانا – سيان – بەيجىڭ باعىتى بويىنشا ورىندالاتىن رەيستەر سانىن اپتاسىنا 2-دەن 3-كە دەيىن ۇلعايتۋ ماسەلەسىن قاراستىرىپ جاتىر"، – دەلىنگەن حابارلامادا.