الماتى وبلىسى قىزىلشارىق اۋىلىنىڭ ماڭىنان جۇزدەگەن قان قۇياتىن تۇتىكشە تابىلدى.
تۋرا ۇلكەن الماتى كانالىنىڭ جانىندا شاشىلىپ جاتقان شىنى ىدىستار قولدانىلعان. كەيبىرى قانعا تولى. جەرگىلىكتى تۇرعىندار ينفەكسيالىق اۋرۋ تارالىپ كەتە مە دەپ ۇيرەيلەنىپ وتىر. ءقازىر پوليسيا اينالانى لاستاعانداردى ىزدەستىرۋدە، دەپ حابارلايدى Almaty-akshamy.kz.
ۆەتەرينارلار بۇل تۇتىكشەلەر مالدان برۋسەللەزگە سىناما الۋ ءۇشىن پايدالاناتىنىن ايتادى. ءارى ول بارلىق ءدارىحانادا ساتىلادى. سوندىقتان كەز-كەلگەن ادام الىپ پايدالانۋى مۇمكىن دەپ وتىر.
"بارلىعى ول جەردەن بىزدەر 610 دانا قان الۋ جۇيەسىن جيناپ الدىق. بارلىق پروبيركالار ورتەۋ تاسىلىمەن جويىلدى. ءبىزدىڭ ۆەتەرينارلىق قىزمەتكە كەلەتىن بولساق، بىزدەر مۇنداي پروبيركامەن سوڭعى ۋاقىتتا كوكتەمگى ۋاقىتىندا عانا پايدالاندىق، 17ء-سى ساۋىردەن باستاپ ءبىز باسقا پروبيركانى پايدالانىپ جاتىرمىز. ول پروبيركانىڭ قايدان شىققانى بەلگىسىز"، - دەيدى ەڭبەكشىقازاق اۋدانىنىڭ ۆەتەريناريالىق ستانسيا باسشىسى ەركىن بيحانوۆ.