2024 جىلى الماتى قالاسىنىڭ مەملەكەتتىك قۋىرشاق تەاترى 1390 قويىلىم ۇسىنىپ، 92 مىڭ كورەرمەن تاماشالادى
الدىڭعى جىلى قازاقستاننىڭ مەملەكەتتىك قۋىرشاق تەاترىندا 1390 قويىلىم كورسەتىلىپ، ولاردى 92 مىڭ كورەرمەن تاماشالادى، دەپ حابارلايدى aqshamnews.kz.
بۇل سوڭعى جىلدارداعى ەڭ جوعارى كورسەتكىش بولدى. بيلەتتەردەن تۇسكەن تابىس تا تاريحي دەڭگەيگە جەتىپ، 80،8 ملن تەڭگەنى قۇرادى. بۇل تۋرالى تەاتر ديرەكتورى المات امانگەلدى وڭىرلىك كوممۋنيكاسيالار قىزمەتىندەگى بريفينگتە مالىمدەدى.
وتكەن جىل مەملەكەتتىك قۋىرشاق تەاترى ءۇشىن ناعىز سەرپىندى كەزەڭ بولدى. قويىلىمدار سانى 2023 جىلمەن سالىستىرعاندا 200-گە ارتسا، كورەرمەندەر سانى 8800 ادامعا ءوستى. بۇل كورسەتكىشتەر قازاقستاندىقتاردىڭ قۋىرشاق تەاترىنا جانە ونىڭ قويىلىمدارىنا دەگەن قىزىعۋشىلىعىنىڭ ارتىپ كەلە جاتقانىن كورسەتەدى.
سالىستىرمالى تۇردە الساق، 2019 جىلى تەاتر بار بولعانى 703 قويىلىم كورسەتىپ، 53 مىڭنان از كورەرمەن جيناعان ەدى – بۇل 2024 جىلعى كورسەتكىشتەن ەكى ەسە از.
«بۇل جىلى ءبىز كەرەمەت ناتيجەلەرگە قول جەتكىزدىك. قازاقستاننىڭ قۋىرشاق تەاترى داستۇرلەردى ساقتاپ قانا قويماي، يننوۆاسيالار ەنگىزىپ، رەپەرتۋارىن كەڭەيتىپ، حالىقارالىق دەڭگەيگە دە بەلسەندى تۇردە شىعىپ جاتىر»، – دەپ اتاپ ءوتتى المات امانگەلدى.