قىتايدىڭ كينو سالاسىنىڭ دامۋىنا قازاق قىزى ۇلەس قوسىپ ءجۇر

شەتەلدەگى قازاقتاردىڭ باسىن قوسقان «وتانداستار» فورۋمىنا قىتايدىڭ تانىمال رەجيسسەرى جانار ساعات كەلدى، دەپ حابارلايدى اlmaty-akshamy.kz.  

مەن كەڭەس وداعى كەزىندە ماسكەۋدىڭ كينو اكادەمياسىندا وقىعانمىن. سول جەردە رەجيسسەرلىك ماماندىعىن الىپ شىعىپ، بەيجىڭگە قايتتىم. سودان بەرى ءوز ماماندىعىم بويىنشا جۇمىس ىستەپ كەلە جاتىرمىن. كەڭەس وداعى جاڭا ىدىراعان كەزدە تمد ەلدەرىنىڭ «مير» تەلەارناسى بولعان، سوندا 1-2 جىلداي تەلەجۇرگىزۋشى بولدىم. ءبىراق، ماماندىعىما دەگەن قۇشتارلىق مەنىڭ كينو سالاسىنا قايتىپ كەلۋىمە تۇرتكى بولدى. تۇسىرگەن ونىمدەرىمىزدىڭ باسىم بولىگى تاريح تاقىرىبىندا ءوربىدى. ەندى سول تۇسىرىلگەن تەلەحيكايالارىمنىڭ باسىم كوپشىلىگى ۇلتتىق ماراپاتتارعا يە بولدى، - دەدى ول. 

جانار ساعات جەر-جەردەگى وتانداستاردى جيناپ، وسىلاي قاۋىشۋعا مۇمكىندىك جاساعان «وتانداستار» فورۋمىنىڭ ۇيىمداستىرۋشىلارىنا العىس ءبىلدىردى. 

«وتانداستار» فورۋمىنا العاش رەت قاتىسىپ وتىرمىن. ماعان وتە ۇنادى. كەشەدەن بەرى ەرەكشە جىلىلىق تانىتىپ، شىنايى كوڭىلمەن بىزگە قۇرمەت كورسەتىلىپ جاتىر.  ۇيىمداستىرۋشىلار اسا ىجداھاتتىلىقپەن دايىندالعانىن باعدارلامالارىنان بايقاۋعا بولادى. دۇنيە ءجۇزىنىڭ ءار جەرىندەگى قازاقتاردىڭ باسىن قوسىپ، بىر-بىرىمىزبەن پىكىر الماسۋعا، ەمەن جارقىن سويلەسىپ، تانىسىپ - بىلىسۋگە مۇمكىندىك جاساعان «وتانداستار» قورىنا راقمەت دەيمىز، - دەدى ول.