شوكولاد قۇنى دا شارىقتادى

2023 جىلعى قاڭتار-تامىز ارالىعىندا شوكولاد پەن قانتتان ازىرلەنەتىن كونديتەرلىك ونىمدەر ءوندىرىسى 68،8 مىڭ توننا بولدى، دەپ حابارلايدى Almaty-akshamy.kz 

 Energyprom.kz كەلتىرگەن دەرەكتەرگە ساي، بۇل وتكەن جىلدىڭ سايكەس كەزەڭىنە قاراعاندا 18،2%-عا ارتىق.

ءتيىستى كەزەڭدە سەكتورداعى كورسەتكىشتەردىڭ ءوسۋى ەكىنشى جىل قاتارىنان بايقالىپ وتىر.

وتاندىق كونديتەرلەر ءتاتتى ونىمدەرگە دەگەن سۇرانىستى 47،6%-عا قامتاماسىز ەتكەن. دەسەك تە نارىقتىڭ جارتىسىنان استامى يمپورتتىڭ ۇلەسىنە ءتيدى: 52،4%.

بيىلعى قاڭتار-شىلدەدە ىشكى نارىقتا شوكولاد پەن قانتتان جاسالعان كونديتەرلىك ونىمدەردى وتكىزۋ كولەمى 111،9 مىڭ توننانى قۇرادى. بۇل 2022 جىلعى ۇقساس كەزەڭمەن سالىستىرعاندا 23،2%-عا كوپ.

ءتيىستى كەزەڭدە ەكسپورت كولەمى 5%-عا ازايىپ، 17،8 مىڭ توننا بولدى.

بيىلعى قىركۇيەك ايىنىڭ قورىتىندىسى بويىنشا شوكولاد ءبىر ايدا 0،4%-عا قىمباتتادى. جىلدىق ماندە قىمباتتاۋ 10،8%-دى قۇرادى.

كونديتەرلىك ونىمدەر ءبىر جىل ىشىندە 13،7%-عا قىمباتتادى. ونىڭ ىشىندە كارامەلدىڭ باعاسى ايتارلىقتاي ارتقان: 21،1%. مارمەلاد باعاسى ءبىر جىلدا 18،2 پايىزعا ءوستى.

شوكولادپەن جىلتىراتىلماعان كامپيتتەر 16،8%، ساعىز 16،5%، حالۆا 14،9%، شوكولادپەن جىلتىراتىلعان كامپيتتەر 11،5%، زەفير 11،4% قىمباتتادى.