بۇل تۋرالى ق ر قارجىلىق مونيتورينگ اگەنتتىگىنىڭ رەسمي سايتى جازدى.
قىتايدان تاۋار تاسىمالدايتىن ج ش س ءبىرى 585،6 ملن تەڭگەنىڭ كونتراباندالىق تاۋارىن الىپ وتپەك بولعان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ق ر قىلمىستىق كودەكسىنىڭ 234-بابى 2-بولىگىنىڭ 1،4،5-تارماقتارىندا كوزدەلگەن ەكونوميكالىق كونتراباندا فاكتىسى بويىنشا «Group of the Companies TDA» ج ش س باسشىلىعىنا قاتىستى سوتقا دەيىنگى تەرگەۋ امالدارى باستالدى. كاسىپورىننىڭ بارلىق وپەراسيالىق جۇمىستارىن وسى ج ش س ديرەكتورى جۇرگىزدى. قىتايدان ەۋرازيالىق كەدەن وداعىنىڭ كەدەندىك اۋماعىنا زاڭسىز تاسىمالدانعان تاۋارلاردىڭ جالپى قۇنى 585 617 144 تەڭگەنى قۇرادى»، - دەپ جازادى اگەنتتىكتىڭ رەسمي سايتى.
كاسىپورىن بۇل تاۋار ءۇشىن بيۋدجەتكە 125 244 847 تەڭگە كولەمىندە كەدەندىك تولەمدەر مەن سالىقتار تولەۋى كەرەك بولعان.
«بيىلعى جىلدىڭ 31 ناۋرىزىندا الماتى قالاسىنىڭ ارناۋلى اۋدانارالىق تەرگەۋ سوتى ج ش س ديرەكتورىنا قاتىستى 2 اي مەرزىمگە «قاماۋ» تۇرىندەگى بۇلتارتپاۋ شاراسىنا سانكسيا بەردى. قازىرگى تاڭدا سوتقا دەيىنگى تەرگەۋ امالدارى جۇرگىزىلۋدە. قىلمىستىق ءىس قپك 201-بابىنا سايكەس، تەرگەۋ مۇددەسىندەگى وزگە دە مالىمەتتەر جاريا ەتۋگە جاتپايدى»، - دەلىنگەن رەسمي مالىمەتتە.
ەسكە سالساق، قۇرىق پورتى ارقىلى 22 توننا تەمەكىنى زاڭسىز اكەلگەن كونترابانداشى سوتتالعان بولاتىن.