بۇگىن الماتىدا قىتايداعى قازاقستان ءتۋريزمى جىلىنىڭ جابىلۋىنا ارنالعان فورۋمعا قاتىسۋشىلار KazakhTourism ۇك اق مەن وتاندىق تانىمال ءانشى اراسىنداعى بىرلەسكەن جوبانىڭ جۇمىسىنا ءبىرىنشى بولىپ كۋا بولدى، دەپ حابارلايدى aqshamnews.kz.
تۋعان ەل تۋرالى پاتريوتتىق كومپوزيسيا قازاقستاننىڭ باي تابيعاتى مەن مادەنيەتىن كەڭ اۋديتورياعا پاش ەتەدى. «كيەلى مەكەنىم» جاڭا بەينەبايانى قازاقستاننىڭ كورىكتى جەرلەرىنە نازار اۋدارادى. كورەرمەندەر كورنەكتى تۋريستىك ورىندارعا ۆيزۋالدى ساياحات جاساي الادى. ونىڭ ىشىندە شارىن شاتقالى، كولساي كولدەرى، اقمەشىت ۇڭگىرى، ازىرەت-سۇلتان مۇراجاي-قورىعى، بوزجىرا شاتقالى، تورىش القابى ءتارىزدى بىرەگەي ورىندار بار. ۆيدەودا بۋراباي، كاتونقاراعاي، التىن-ەمەل، جوڭعار-الاتاۋ ۇلتتىق پاركتەرىنىڭ كادرلارى دا ۇسىنىلعان.
«ءبىز ديماشقا ەلىمىزدى شەتەلدە دارىپتەۋگە قوسىپ جۇرگەن باعا جەتپەس ۇلەسى ءۇشىن العىس بىلدىرەمىز. ول ءتۋريزمنىڭ العاشقى ەلشىسى بولىپ، ءاربىر قولايلى جاعدايدا شەتەلدىك اۋديتوريانى قازاقستانعا كەلۋگە شاقىرادى. ميلليونداعان تىڭداۋشىلار ديماشتىڭ شىعارماشىلىعى ارقىلى ءبىزدىڭ ەلمەن كەڭىنەن تانىسادى. جاڭا بەينەبايان - قازاقستاننىڭ ادەمى تابيعاتى مەن باي مادەنيەتىنىڭ الۋان تۇرلىلىگىن كورسەتۋگە دەگەن ورتاق ۇمتىلىسىمىزدىڭ ناتيجەسى. ءبىز الەمنىڭ تۇكپىر-تۇكپىرىندەگى ديماشتىڭ جانكۇيەرلەرى بىرەگەي لوكاسيالاردان شابىت الىپ، ەلىمىزدى وزدەرى ءۇشىن اشاتىنىنا سەنىمدىمىز»،- دەپ اتاپ ءوتتى «Kazakh Tourism» ۇك» اق باسقارما ءتوراعاسى قايرات ءسادۋاقاسوۆ.
جاڭا «كيەلى مەكەنىم» بەينەبايانى ديماشتىڭ رەسمي ارنالارى مەن اككاۋنتتارىندا قولجەتىمدى بولادى. ايتا كەتەيىك، ءتۇسىرىلىم الماتى، تۇركىستان، ماڭعىستاۋ وبلىستارى تۋريزم باسقارمالارىنىڭ، سونداي-اق «Visit Alatau» جانە «Open Turkistan» تۋريستىك اقپاراتتىق ورتالىقتارىنىڭ، «Capتاس» ورتالىعىنىڭ، «Air Astana» جانە «FlyArystan» اۆياكومپانيالارىنىڭ، «Karavansaray Turkistan» كەشەنىنىڭ، «Visit Aktay» جانە «ءىntegra Construction KZ» كومپانيالارىنىڭ قولداۋىمەن ءوتتى.