ديماشتىڭ ونەرىنە ءتانتى بولعان شەتەلدىك تىڭدارماندارى قازاق ءتىلىن ۇيرەنىپ ءجۇر

قازاق ءتىلىن ۇيرەنۋگە نيەتتەنگەندەردىڭ دەنى - ديماش قۇدايبەرگەننىڭ «Dears» جانكۇيەرلەرى

اقپان ايىنان باستالعان «ونلاين قازاق ءتىلى» كۋرسىنا الەمنىڭ 23 ەلىنەن 800 ادام تىركەلدى، دەپ حابارلايدى Almaty-akshamy.kz 

تىركەلگەندەردىڭ ىشىندە ەتنيكالىق قازاقتاردان بولەك، تىلىمىزگە قىزىعۋشىلىق تانىتقان وزگە ۇلت وكىلدەرى دە بار. ەتنيكالىق قازاقتار تاريحي ءتىلىن ۇمىتپاۋ جانە قازاقستاندا ءبىلىم الىپ، اتامەكەندە جۇمىس ىستەۋ ءۇشىن قازاق ءتىلىن جەتىك مەڭگەرىپ جاتىر.

ال وزگە ۇلت وكىلدەرىنىڭ ءتىل ۇيرەنۋدەگى ماقساتى ەكى باعىتقا نەگىزدەلگەن. العاشقىلارى قازاقستاندا جۇمىس ىستەۋ ءۇشى كەرەك دەسە، ەكىنشىلەرى - قازاق تىلىنە قىزىعۋشىلىق تانىتاتىن جانە تىلدىك قۇرىلىسىن زەرتتەيتىن عالىمدار.

وزگە ۇلت وكىلدەرىنىڭ باسىم كوپشىلىگى - ديماش قۇدايبەرگەننىڭ «Dears» جانكۇيەرلەرى. ولاردىڭ ايتۋىنشا، ءانشىنىڭ اندەرىن، سۇحباتتارىن انا تىلىندە ەركىن ءتۇسىنىپ، سونىمەن قاتار، قازاقتىڭ تاريحىمەن، مادەنيەتىمەن تەرەڭىرەك تانىسۋ ءۇشىن قازاق ءتىلى ساباقتارىنا زور ىقىلاسپەن قاتىسادى. ساباق ورىس، اعىلشىن، تۇرىك، پارسى تىلدەرىندە جۇرگىزىلىپ، تىڭداۋشىلارعا ىڭعايلى ۋاقىتقا قويىلعاندىقتان، قاتىسۋشىلار سانى ارتىپ كەلەدى.

ساباق قازاق ءتىلىنىڭ امبەباپ وقۋلىعى جانە «Abai institute» پلاتفورماسى نەگىزىندە جۇرگىزىلەدى.