قىتايدىڭ سولتۇستىك-باتىسىنداعى نينسيا-حۋەي اۆتونوميالىق اۋدانىنىڭ ينچۋان قالاسىندا ورنالاسقان باربەكيۋ مەيرامحاناسىندا جارىلىس بولىپ، 31 ادام قازا تاپتى. بۇل تۋرالى Almaty-akshamy.kz سينحۋا اقپارات اگەنتتىگىنە سىلتەمە جاساپ حابارلايدى.
جارىلىس جەرگىلىكتى ۋاقىت بويىنشا شامامەن ساعات 20:40-تا، ينچۋان قالاسىنداعى سينسين اۋدانىندا ورنالاسقان مەيرامحانادا بولدى. وعان سۇيىتىلعان مۇناي گازىنىڭ اعۋى سەبەپ بولعانى حابارلانادى.
نينسيا-حۋەي اۆتونوميالىق اۋدانىنىڭ قكپ كوميتەتىنىڭ مالىمەتىنشە، جارىلىستان 38 ادام زارداپ شەككەن، ونىڭ 31ء-ى كوز جۇمدى. قالعان 7 ادامعا مەديسينالىق كومەك كورسەتىلىپ جاتىر، ولاردىڭ بىرەۋىنىڭ جاعدايى اۋىر.