پرەمەر-مينيستر ءاليحان سمايىلوۆ ءماجىلىس دەپۋتاتتارىنىڭ «باقىتتى وتباسى» جانە «شاڭىراق» باعدارلامالارىنان باستاپ جارنانى الىپ تاستاۋ تۋرالى ساۋالىنا جاۋاپ بەردى، دەپ حابارلايدى Almaty-akshamy.kz.
«باقىتتى وتباسى» جانە «شاڭىراق» باعدارلامالارى بويىنشا باستاپقى جارنانى الىپ تاستاۋعا كەلسەك، قارىز بويىنشا باستاپقى جارنا كەپىلدى قارىزدار مەن سونىڭ سالدارىنان تۋىندايتىن تاۋەكەلدەردى ساقتاندىرۋعا ارنالعان. باستاپقى جارنانى الىپ تاستاۋ نەمەسە ازايتۋ قارىز الۋشىنىڭ اي سايىنعى قارجىلىق جۇكتەمەسىن كوبەيتەدى»، - دەپ جازادى ۇكىمەت باسشىسى.
سونداي-اق، ول جەرگىلىكتى اكىمدىكتەر الەۋمەتتىك تۇرعىدا وسال توپقا جاتاتىن وتباسىلاردىڭ يپوتەكا جۇكتەمەسىن ازايتۋ ءۇشىن تۇرعىن ءۇي سەرتيفيكاتتارىن بەرەتىنىن ەسكە سالدى.، - دەپ جازدى قازاقپارات.
«جەرگىلىكتى اتقارۋشى ورگاندار حالىقتىڭ الەۋمەتتىك وسال توپتارىنا جەڭىلدەتىلگەن يپوتەكالىق باعدارلامالار بويىنشا باستاپقى جارنانى تولەۋ بولىگىندە بيۋدجەتتىك كرەديت نىسانىندا تۇرعىن ءۇي سەرتيفيكاتتارىن بولەدى»، - دەپ جازىلعان جاۋاپتا.