الماتى پوليسەيلەرى شەتەلدە تىركەلگەن كولىكتەر ايىپپۇلدارىن تولەۋدەن جالتاراتىنىن ايتتى، – دەپ حابارلايدى اlmaty-akshamy.kz Polisia.kz-كە سىلتەمە جاساپ. ەسكە سالايىق، وسى كۇندەرى الماتىدا «بورىشكەر» رەسپۋبليكالىق ءىس-شاراسى ءوتىپ جاتىر. ءتارتىپ بۇزۋشىلاردىڭ كولىكتەرى مامانداندىرىلعان ايىپپۇل تۇراعىنا ورنالاستىرىلادى.
«جاقىندا اۋدانىمىزدىڭ اۋماعىندا بەس كولىك ۇستالدى. بۇل كولىكتەردىڭ يەلەرىندە جول قوزعالىسى ەرەجەسىن بۇزعانى ءۇشىن ءىرى كولەمدەگى ايىپپۇلدارى بار جانە ولاردى تولەۋدى جوسپارلاماعان كورىنەدى. قارىز تولىق وتەلگەنشە كولىكتەر ارنايى تۇراققا ورنالاستىرىلدى. وسىلايشا، قۇقىق بۇزۋشىلىققا مۇلدەم توزبەۋشىلىك قاعيداتى، جاسالعان بۇزۋشىلىقتار ءۇشىن جازانىڭ بۇلتارتپاستىعى جانە سالىنعان اكىمشىلىك ايىپپۇلداردى ءوندىرۋدىڭ تيىمدىلىگىن ارتتىرۋ قامتاماسىز ەتىلدى»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
پوليسيادا ءىس-شاراعا مكد-نىڭ قىزمەتكەرلەرى مەن وڭىرلىك جەكە سوت ورىنداۋشىلار پالاتاسىنىڭ سوت ورىنداۋشىلارى تارتىلعانىن ەسكە سالدى. اۆتوكولىكتەر قارقىندى جۇرەتىن ورىندارعا پاترۋلدىك پوليسيانىڭ كولىكتەرى جۇمىلدىرىلدى. «قورعاۋ – ءقاۋىپتى جۇرگىزۋشى» اۆتوماتتاندىرىلعان اقپاراتتىق جۇيەلەردىڭ مۇمكىندىكتەرى دە كەڭىنەن قولدانىلىپ جاتىر.