قىتايدا كوروناۆيرۋس قايتا ءورشۋى مۇمكىن

اپتاسىنا 45 ملن ادام ىندەت جۇقتىرادى.

ددۇ COVID-19 ۆيرۋسى بۇدان بىلاي توتەنشە ءقاۋىپ تۋدىرمايتىنىن مالىمدەگەن، دەپ حابارلايدى Almaty-akshamy.kz

Bloomberg باسىلىمىنا سىلتەمە جاساپ حابارلاعان DataHub تەلەگرام ارناسىنىڭ اقپاراتىنا سايكەس، قىتايدا كەزەكتى رەتى كوروناۆيرۋس ءورشۋى مۇمكىن.

باسىلىمنىڭ مالىمەتىنشە، مامىر ايىنىڭ سوڭىندا جاڭادان ىندەت جۇقتىرعاندار سانى اپتاسىنا 45 ملن-عا، ال ءبىر ايدان كەيىن ءتىپتى 65 ملن-عا جەتۋى مۇمكىن.

«ۆيرۋستىڭ قايتا ءورشۋىنىڭ بىرنەشە سەبەبى بار. اتاپ ايتقاندا، قىتايدىڭ پاندەمياعا قارسى COVID Zero ساياساتىنىڭ توقتاۋى، الدىڭعى تولقىنداردان كەيىنگى ۇجىمدىق يممۋنيتەتتىڭ السىرەۋى جانە وميكرون شتامىنىڭ تاراۋى ىندەتتى قايتا ءورشىتۋى عاجاپ ەمەس»، – دەپ جازادى باسىلىم.

5 مامىر كۇنى دۇنيەجۇزىلىك دەنساۋلىق ساقتاۋ ۇيىمى COVID-19 ۆيرۋسىنىڭ بۇدان بىلاي توتەنشە ءقاۋىپ تۋدىرمايتىنىن مالىمدەگەن ەدى. سول كەزدە قازاقستانداعى سىرقاتتانۋ ستاتيستيكاسىنىڭ دا جاريالانۋى توقتادى. سونىمەن قاتار، دەنساۋلىق ساقتاۋ مينيسترلىگىنىڭ سانيتارلىق-ەپيدەميولوگيالىق باقىلاۋ كوميتەتىنىڭ ارناسىندا بۇل تۋرالى ايتىلماي كەتتى.