سونداي-اق بيىل «ينفورماتيكا» ءپانى ۇبت بەيىندىك پاندەر كومبيناسياسىنىڭ تىزىمىنە ەنگەن.
قازاقستان بويىنشا 218 تالاپكەر حيميا-فيزيكا كومبيناسياسىن تاڭداعان. بۇل تۋرالى بۇگىن ورتالىق كوممۋنيكاسيالار قىزمەتىندە وتكەن بريفينگتە ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ ءمالىم ەتتى، دەپ حابارلايدى Almaty-akshamy.kz Azattyq Ruhy-نا سىلتەمە جاساپ.
سونىمەن قاتار عىلىم جانە جوعارى ءبىلىم ۆيسە-مينيسترى قۋانىش ەرعالييەۆ حابارلاعانداي، بيىل «ينفورماتيكا» ءپانى ۇبت-داعى بەيىندىك پاندەر قاتارىنا كىرگەن.
«وسىعان بايلانىستى «ينفورماتيكا مۇعالىمدەرىن دايارلاۋ»، «اقپاراتتىق تەحنولوگيالار»، «اقپاراتتىق قاۋىپسىزدىك» ءبىلىم بەرۋ باعدارلامالارىنىڭ توپتارىنا تۇسۋشىلەر «ماتەماتيكا-ينفورماتيكا» كومبيناسياسى بويىنشا ۇبت تاپسىرادى»، - دەدى ۆيسە-مينيستر.
ءوز كەزەگىندە ءسوز العان ۇلتتىق تەستىلەۋ ورتالىعىنىڭ ديرەكتورى بيىل تالاپكەرلەردىڭ نەشە پايىزى قانداي پاندەردى تاڭداعانىن حابارلادى.
«بيىل تالاپكەرلەردىڭ 18%-ى «ماتەماتيكا-فيزيكا»، 17%-ى «بيولوگيا-حيميا»، 13%-ى «شىعارماشىلىق»، 10%-ى «ماتەماتيكا-ينفورماتيكا» پاندەرىن تاڭدادى. جىلداعىداي، ەڭ از تاڭدالاتىن كومبيناسيا – «حيميا-فيزيكا»، ونى تەك 218 بالا تاڭداعان»، - دەدى ق ر عجبم ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.