قىتايدا COVID-19 جۇقتىرۋدىڭ جاڭا 93 جاعدايى تىركەلدى
بۇل تۋرالى قحر دەنساۋلىق ساقتاۋ جانە بالا تۋۋ جونىندەگى مەملەكەتتىك كوميتەتى حابارلادى. 93 جاعدايدىڭ 35ء-ى ەلدىڭ سولتۇستىك-شىعىسىنداعى حەيحە قالاسىندا تىركەلگەنى اتاپ ءوتىلدى، دەپ حابارلايدى Almaty-akshamy.kz
ۆەدومستۆودا ءبىر كۇن بۇرىن ەل ىشىندە 54 ادام جۇقتىرعانى، وتكەن اپتادا 59 ادام جۇقتىرعانى انىقتالدى. شەنەۋنىكتەر قازىرگى جاعداي وتە جۇقپالى دەلتا شتامىنا بايلانىستى دەپ سانايدى. سونىمەن بىرگە، جەرگىلىكتى ب ا ق بۇل تەندەنسيانى «الاڭداۋشىلىق تۋعىزادى» دەپ جازۋدا. سەبەبى بيلىك قابىلداعان قاتاڭ شەكتەۋ شارالارىنا قاراماستان اۋرۋ جۇقتىرۋ گەوگرافياسى كەڭەيىپ بارادى.
جۇڭگو بيلىگى ۆيرۋستىڭ تارالۋىن تۇرعىنداردى جاپپاي تەستىلەۋ جانە اۋرۋحانالاردى ماقساتتى تۇردە جابۋ ارقىلى بولدىرماۋعا تىرىستى، ويتكەنى اۋرۋ 11 پروۆينسياعا تارالعان. جۇڭگو ساپارلارعا شەكتەۋلەر قويىپ، تەكسەرۋلەردى كۇشەيتتى جانە اۋرۋدى باسۋ ءۇشىن ساق بولۋعا شاقىردى.
بۇعان دەيىن قىتايدىڭ ۋحان قالاسىنىڭ بيلىگى قالادا كوروناۆيرۋس ينفەكسياسىنىڭ بىرنەشە جاعدايى انىقتالعاننان كەيىن بۇكىل حالىقتى پتر-تەستىلەۋدەن وتكىزگەن ەدى.
