باسەكەلەستىك جانە مونوپوليا سالاسىنداعى جاڭا زاڭ جوباسى مەملەكەتتىك جانە جەكە مەنشىك وپەراتورلاردىڭ سانىن قىسقارتىپ، جۇمىسىن رەتتەۋگە مۇمكىندىك بەرەدى. باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين ءماجىلىستىڭ جالپى وتىرىسىندا وسىلاي ءمالىم ەتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
اگەنتتىك ءتوراعاسى ءماجىلىس دەپۋتاتتارىنا «ق ر كەيبىر زاڭنامالىق اكتىلەرىنە باسەكەلەستىكتى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا تانىستىرعان بولاتىن.
«كەلەسى ماڭىزدى قادام – مەملەكەتتىك جانە جەكە وپەراتورلاردىڭ قىزمەتىن رەتتەۋ. بۇگىندە مونوپوليانى ەنگىزۋ نەگىزدەرىن كاسىپكەرلىك كودەكس مەملەكەتتىك ايقىندايدى. سونىمەن قاتار، قازاقستاندا مەملەكەتتىك مونوپوليا قۇرماي بەلگىلى ءبىر قىزمەت تۇرلەرىن جۇزەگە اسىرۋعا ايرىقشا قۇقىقتاردى زاڭنامالىق تۇردە بەرۋ پراكتيكاسى قالىپتاستى. ءىس جۇزىندە مەملەكەتتىك جانە جەكە وپەراتورلار دەپ اتالاتىن بالاما ينستيتۋت قۇرىلدى. ءبىز 51 وپەراتوردى انىقتادىق، ونىڭ 47ء-سى مەملەكەتتىڭ قاتىسۋىمەن قۇرىلدى. ەندى ولارعا مەملەكەتتىك مونوپوليا سۋبەكتىلەرىنە قولدانىلاتىن قۇقىقتىق شەكتەۋ رەجيمى قولدانىلۋى كەرەك»، - دەدى سەرىك جۇمانعارين.
ونىڭ ايتۋىنا قاراعاندا، قۇقىقتىق شەكتەۋلەر اياسىندا ءىرى وپەراتورلاردىڭ بەيىمدىگىنەن تىس قىزمەتتى جۇزەگە اسىرۋىنا تىيىم سالۋ، سونداي-اق كونكۋرستىق ىرىكتەۋ جانە قىزمەتتىڭ جاريالىلىعى سياقتى شارالار تالاپ ەتىلەدى.
«ەڭ باستىسى، وپەراتورلاردىڭ سانىن ازايتۋ قاجەت. ءقازىر 9 وپەراتور بويىنشا تۇبەگەيلى شارالار قابىلدانادى. ولار زاڭ جوباسى قابىلدانعاننان كەيىن مارتەبەسىنەن ايىرىلادى. وسىدان كەيىن ۇكىمەت 4 سۋبەكتىنى جەكەشەلەندىرۋ مەرزىمىن بەلگىلەيدى. ونىڭ ەكەۋى جەكە مەنشىكتە جانە ۇشەۋى ۆەدومستۆولىق باعىنىستى ۇيىم رەتىندە جۇمىسىن جالعاستىرادى. 18 وپەراتور بويىنشا رەتتەۋ تالاپ ەتىلمەيدى، سەبەبى ولار قوعامدىق قىزمەتتەردى جۇزەگە اسىرادى جانە پايدا المايدى. قالعان 24 وپەراتور بويىنشا قاتاڭ مونوپولياعا قارسى رەتتەۋدى قامتاماسىز ەتۋ ۇسىنىلدى»، - دەدى اگەنتتىك باسشىسى.