ق ر پرەمەر-مينيسترىنىڭ ورىنباسارى ەرالى توعجانوۆ مەگاپوليستەگى الەۋمەتتىك-مادەني دامۋ جانە ەپيدەميولوگيالىق احۋالدى تۇراقتاندىرۋ ماسەلەلەرى بويىنشا مەملەكەت باسشىسىنىڭ تاپسىرمالارىن ىسكە اسىرۋدىڭ بارىسىمەن تانىسۋ ماقساتىندا جۇمىس ساپارىمەن الماتى قالاسىنا كەلدى دەپ حابارلايدى almaty-akshamy.kz
ۆيسە-پرەمەر كەلگەن بويدا الماتى قالاسى اكىمىنىڭ ورىنباسارى ەرجان باباقۇماروۆپەن بىرگە الاتاۋ اۋدانىندا سالىنىپ جاتقان جاڭا مەكتەپكە باردى.
ايتا كەتەرلىگى، بۇل 1800 ورىندىق العاشقى مەكتەپ (بۇرىن نىسانداردىڭ ماكسيمالدى قۋاتى 1200 وقۋشى ورنىنان اسپاعان). قۇرىلىس سايالى شاعىن اۋداندا جۇرگىزىلۋدە، مۇندا ىشكى كوشى-قوننىڭ جانە ءبىرقاتار تۇرعىن ءۇي كەشەندەرىنىڭ سالىنۋى بۇرىننان بار ورتا ءبىلىم بەرۋ مەكەمەلەرىنىڭ جۇكتەمەسىن ارتتىراتىنى ەسكەرىلدى. سوندىقتان، جاڭا مەكتەپتىڭ قۇرىلىسى ءۇش اۋىسىمدى ءبىلىم بەرۋگە جول بەرمەۋگە باعىتتالعان.
بۇگىندە قۇرىلىس جۇمىستارى جوسپارلى تۇردە جۇرگىزىلۋدە، نىساندى پايدالانۋعا بەرۋ بيىلعى جىلدىڭ سوڭىنا دەيىن جوسپارلانعان. ءتيىمدى ءبىلىم بەرۋ ۇدەرىسىن ۇيىمداستىرۋ ءۇشىن جايلى كابينەت قورى، سپورت جانە اكت زالدارى جانە ت.ب. قاراستىرىلعان. بارلىق وقۋ اۋديتورياسى زاماناۋي قۇرىلعىلارمەن جابدىقتالاتىن بولادى.
الماتىدا بارلىعى 12 600 ورىندىق 8 مەكتەپتىڭ قۇرىلىسى جۇرگىزىلۋدە، ونىڭ ىشىندە 5 100 ورىندىق ۇشەۋى (سايالى شاعىن اۋدانىندا – 1800 ورىندىق؛ توميريس شاعىن اۋدانىندا – 1500 ورىندىق؛ قالقامان-2 شاعىن اۋدانىندا – 1800 ورىندىق) بيىلعى جەلتوقسان ايىندا تاپسىرىلادى. قالعان 5 مەكتەپتى 2022 جىلى اياقتاۋ جوسپارلانعان. سونىمەن قاتار، قازىرگى ورتا ءبىلىم بەرۋ مەكەمەلەرىنە قوسىمشا 17 كورپۋس پەن 13 جەكەمەنشىك مەكتەپتىڭ قۇرىلىسى اياقتالۋدا. وسىلايشا، بيىل جىل سوڭىنا دەيىن مەگاپوليستە 16 مىڭ وقۋشى ورنى ىسكە قوسىلادى، بۇل قازىرگى تاپشىلىقتى 47%-عا قىسقارتادى.
ق ر پرەمەر-مينيسترىنىڭ ورىنباسارى ەرالى توعجانوۆ حالىق ءوسىمىنىڭ جوعارى كورسەتكىشتەرى جاعدايىندا 1800 جانە ودان دا كوپ ورىنعا ارنالعان اۋقىمدى مەكتەپتەر سالۋ پراكتيكاسىن جالعاستىرۋدى تاپسىردى.
ۆيسە-پرەمەردىڭ جۇمىس ساپارى بارىسىندا سانيتارلىق-ەپيدەميولوگيالىق احۋال، كرەاتيۆتى يندۋستريالاردى دامىتۋ، «ۇلتتىق رۋحاني جاڭعىرۋ» جوباسى بويىنشا ءبىرقاتار جۇمىس كەڭەسىن وتكىزۋ جوسپارلانعان.