ەلدەگى حالىق سانى بىلتىر 850 مىڭعا قىسقارىپ، 1 ملرد 411 ملن 750 مىڭ ادام بولدى - مەملەكەتتىك ستاتيستيكالىق بيۋرو.
جەرگىلىكتى اقپارات قۇرالدارىنىڭ حابارلاۋىنشا، بۇل سوڭعى 60 جىلدا بولماعان ءۇردىس. جۇڭگو دەموگرافيالىق داعدارىستى باستان كەشىپ وتىر، دەپ حابارلايدى Almaty-akshamy.kz 24.kz-كە سىلتەمە جاساپ.
وعان قوسا ءومىر ءسۇرۋ جاسى ۇلعايعاننان زەينەتكە شىققان تۇرعىندار ارتىپ، كەرىسىنشە، بالا تۋۋ كورسەتكىشى تومەندەگەن. بۇعان «ءبىر وتباسى – ءبىر بالا» ساياساتى دا كەسىرىن تيگىزدى.
2021 جىلدان باستاپ مەملەكەت ءۇش بالاعا دەيىن رۇقسات بەرگەن بولاتىن. سونىمەن قاتار، بالاباقشا سانىن ارتتىرىپ، قالالاردا جاس وتباسىلاردىڭ باسپانالى بولۋىنا كومەك كورسەتىلە باستادى. دەسە دە، بۇل دا ايتارلىقتاي ناتيجە بەرە قويعان جوق. بۇۇ-نىڭ بولجامىنشا، ءۇندىستان 2023 جىلى حالىق سانى جاعىنان قىتايدى باسىپ وزادى.