الەمدە العاش رەت اعاش ساناعى 2019 جىلى جۇرگىزىلدى. جاساندى زەردە كومەگىمەن.
بۇل جايىندا aqshamnews.kz islam.kz پورتالىنا سىلتەمە جاساي وتىرىپ حابارلايدى.
تاياۋدا بۇل باعىتتا ارنايى جۇرگىزىلگەن زەرتتەۋ ناتيجەسىندە جۇڭگو اۋماعىندا شامامەن 142،6 ملرد اعاش بار ەكەنى انىقتالدى. بۇل كورسەتكىش ءبىر تۇرعىنعا شاققاندا 100-گە جۋىق اعاشتان، ال گەكتارىنا ەسەپتەگەندە 689 اعاشتان كەلەدى. ەل اۋماعىنداعى اعاش سانىن ءبىلۋ ءوز كەزەگىندە ورماننىڭ ەكولوگيالىق جۇيەسىن جانە ولار سەكۆەسترلەيتىن كومىرتەك مولشەرىن باعالاۋ ءۇشىن ماڭىزدى.
الايدا، زەرتتەۋ اۆتورلارى بۇل ساننىڭ ناقتى ەمەستىگىن، دالىرەگى، ولاردىڭ ويىنشا، اعاشتار سانى بۇل كورسەتكىشتەن دە كوپ بولۋى مۇمكىن ەكەنىن العا تارتىپ وتىر. تىعىز ورماندى اۋدانداردا اعاشتار ۇشار باستارىنا قاراپ ەسكەپ الىنعان، ال بيىك وسكەن اعاشتار قالقالاعاندىقتان ورتا جانە تومەنگى جاعىنداعى اعاشتاردى ءدال انىقتاۋعا كەدەرگى كەلتىرەدى. وتكەن 2019 جىلعى باعالاۋ بويىنشا گەكتارىنا 1052 اعاشتان كەلگەنىن كورسەتكەن.
بۇدان بولەك، عالىمدار قىتايداعى ورمان-توعايلاردىڭ تارالۋ (ياعني، قاي ايماقتا سيرەك نەمەسە كوپ) كارتاسىن جاسادى. بۇل شارا ەلدىڭ كليمات داعدارىسىنىڭ بەتىن قايتارۋ جانە ەكولوگيالىق تەپە-تەڭدىكتى ساقتاۋ ءۇشىن قاجەت. مۇنداي كارتانى جاساۋ ءۇشىن عالىمدار اۋدانى 1400 شارشى شاقىرىم بولاتىن لازەرلىك كارتوگرافيالىق تەحنيكانى پايدالاندى. الداعى ۋاقىتتا قىتايداعى اعاشتار سانى ەداۋىر ارتۋى مۇمكىن. ويتكەنى، اتالعان ەل تۇرعىندارى بيلىكتىڭ “ۇلى جاسىل دۋال” باستاماسىمەن گوبي جانە تاكلاماكان ءشولىنىڭ جاڭا اۋماققا تارالۋىنىڭ الدىن الۋ ءۇشىن جاپپاي اعاش وتىرعىزىپ جاتىر. نەگىزىندە «ءۇش سولتۇستىك» ورمان بەلدەۋى باعدارلاماسى 1978 جىلى باستالدى جانە 2050 جىلى اياقتالۋى ءتيىس. قىتايلار ەل اۋماعىندا ۇزىن سانى 66 ميلليوننان استام اعاشى بار الەمدەگى ەڭ ءىرى جاساندى ورمان وسىرگەن ەل.
دەگەنمەن، ونىڭ شولەيتتەنۋدى بولدىرماۋداعى پايداسى ءالى قىزۋ پىكىرتالاس تۋدىرىپ كەلەدى. زەرتتەۋدە پايدالانىلعان تەحنولوگيا اعاشتاردى ساناۋعا جانە كارتاعا تۇسىرۋگە كومەكتەسىپ قانا قويماي، جاڭا اعاشتاردى وتىرعىزۋ ءۇشىن ورىنداردى تاڭداۋدى وڭتايلاندىرا الادى.