ەلىمىزدىڭ بارلىق اۋماقتارىندا سۋ باسۋ ءقاۋپىن ازايتۋ جانە حالىقتىڭ قاۋىپسىزدىگىن قامتاماسىز ەتۋ ماقساتىندا سۋ تاسقىنىنا قارسى بەلسەندى ءىس-شارالار جالعاسۋدا.
ءار ءتۇرلى وڭىرلەردە مۇز قاباتىن بوساتۋعا، وزەندەردىڭ جاعالاۋىن نىعايتۋعا، سونداي-اق قار شىعارۋ مەن سۋ سورۋعا باعىتتالعان كەشەندى جۇمىستار جۇرگىزىلۋدە، دەپ حابارلايدى aqshamnews.kz تجم-گە سىلتەمە جاساپ.
بيىلعى جىلدىڭ 1 ناۋرىزىنان باستاپ تجم، جەرگىلىكتى اتقارۋشى ورگاندار مەن باسقا دا ۇيىمداردىڭ كۇشىمەن 1،9 ميلليوننان استام تەكشە مەتر سۋ سورىلىپ، 400 مىڭنان استام قاپشىق جانە 20 مىڭ توننا ينەرتتى ماتەريال توسەلدى. ءىس-شارالار اياسىندا 808 مىڭنان استام مەتر سۋ بۇرۋ ارىقتارى تازارتىلدى.
سۋ تاسقىنىنا قارسى جۇمىستارىنا 3 مىڭنان استام مامان، سونداي-اق سۋ تاسقىنى ءقاۋپى جاعدايىندا قاۋىپسىزدىكتى قامتاماسىز ەتۋ جونىندەگى جۇمىستاردى ورىنداۋ ءۇشىن پايدالانىلاتىن 761 بىرلىك تەحنيكا، 161 موتوپومپا جانە 30 ءجۇزۋ قۇرالى قاتىسادى. وپەراسياعا تجم، ءىىم، ۇۇ، ءقورعانىسمينى جانە باسقا دا ۆەدومستۆولاردىڭ قىزمەتكەرلەرى جۇمىلدىرىلدى.
ۇزدىكسىز جۇمىس سۋ تاسقىنىنىڭ الدىن الۋعا جانە ىقتيمال سۋ تاسقىنىنان بولاتىن زياندى ازايتۋعا باعىتتالعان، بۇل اسىرەسە سۋ تاسقىنى كەزەڭىندە ماڭىزدى.