قىتايدىڭ حۋنان پروۆينسياسىندا جوعارى ساپالى التىنى بار كەن ورنى تابىلدى، ونىڭ قورى شامامەن 1000 تونناعا جەتەدى، دەپ حابارلايدى aqshamnews.kz.
ساراپشىلار بۇل كەن ورنىن بۇرىن-سوڭدى تابىلعان ەڭ ۇلكەن جانە ەڭ قۇندى التىن كەن ورنى دەپ باعالاۋدا.
كەن ورنى حۋنان پروۆينسياسىنىڭ پينسزيان وكرۋگىندە ورنالاسقان. پروۆينسيانىڭ گەولوگيالىق بيۋروسى ماماندارى ەكى شاقىرىمعا دەيىنگى تەرەڭدىكتە 40 التىن قۇرامداس تومپەشىگىن تاپقان. سونىمەن قاتار، 3D مودەلدەۋ قوسىمشا التىن قورلارىنىڭ بولۋ ىقتيمالدىعىن كورسەتتى.
بۇل كەن ورنىنداعى ءار تونناسىندا 138 گراممعا دەيىن التىن بار، بۇل ستاندارتتى كورسەتكىشتەردەن ايتارلىقتاي جوعارى. ادەتتە، تونناسىنا 8 گراممنان استام التىنى بار كەن جوعارى ساپالى دەپ سانالادى، ءبىراق بۇل كەننىڭ ساپاسى ودان دا جوعارى.
ساراپشىلار بۇل كەن ورنىنىڭ قۇنىن 83 ميلليارد دوللاردان اساتىنىن ايتۋدا، بۇل ونى الەمدەگى ەڭ ۇلكەن جانە ەڭ باعالى التىن كەن ورىندارىنىڭ ءبىرى ەتەدى.
التىن وندىرىسىندەگى تاعى ءبىر قىزىقتى رەكورد دۋبايدا ورىن العان، وندا 300 كەلى سالماقتى التىن قۇيما جاسالعان، بۇل گيننەستىڭ رەكوردتار كىتابىنا ەڭ ۇلكەن التىن قۇيماسى رەتىندە ەنگىزىلدى.
بۇل جاڭالىق قىتايدىڭ التىن ءوندىرىسى مەن رەسۋرستارى تۋرالى جاڭا مۇمكىندىكتەر اشىپ، الەمدىك نارىقتا ماڭىزدى اسەر ەتۋى مۇمكىن.