الماتىدا پوليسيا كافەگە كەلۋشىنى سوققىعا جىققان كۇزەتشىلەردى ۇستادى، – دەپ حابارلايدى aqshamnews.kz
المالى اۋداندىق پوليسەيلەرى كەلۋشىنى قاتتى سوققىعا جىققان قالاداعى ويىن-ساۋىق مەكەمەلەرىنىڭ ءبىرىنىڭ ەكى كۇزەتشىسىن ۇستادى. 40 جاستاعى ەر ادام اۋىر جاراقاتتارمەن قالالىق اۋرۋحانالاردىڭ بىرىنە جاتقىزىلدى.
– بۇزاقىلىق دەرەگى بويىنشا سوتقا دەيىنگى تەرگەۋ بارىسىندا ءدامحانانىڭ ەكى كۇزەتشىسىنىڭ كىناسى انىقتالدى، جابىرلەنۋشى وندا دوستارىمەن بىرگە بولعان. كۇزەتشىلەردىڭ كەلۋشىلەردىڭ وتىرىس ۋاقىتىن ءسال ۇزارتۋ تۋرالى وتىنىشىنە سونشالىقتى اگرەسسيۆتى تۇردە ارەكەت ەتكەندىگى بەلگىلى بولدى. ونىڭ ۇستىنە مەكەمە قىزمەتكەرلەرى سوققىعا جىعىلعان ەر ادامعا اراشا بولماق بولعان ادامدارعا ەش ارەكەت جاساماعان. ەكى كۇدىكتى دە ۇستالىپ، قاماۋعا الىندى، – دەدى المالى اۋداندىق پوليسيا باسقارماسىنىڭ باستىعى ۇلان ءابىلقايىر.