قىتايدا 3D-پرينتەردە وسىمدىك نەگىزىندەگى بالىق ەتىنىڭ انالوگىن باسىپ شىعاردى. ناتيجەسىندە باسىپ شىعارىلعان ءونىم تابيعي سارى گوربىل بالىعىنىڭ ەتىنە وتە ۇقساس بولىپ شىقتى، دەپ حابارلايدى aqshamnews.kz
چجەسزيان ۋنيۆەرسيتەتىنىڭ عالىمدار توبى 3D-پرينتەردى پايدالانىپ، سارى گوربىل بالىعىنىڭ ەتىن يميتاسيالايتىن وسىمدىك نەگىزىندەگى ەتتى جاسادى. زەرتتەۋ ناتيجەلەرىن عالىمدار KeAi Food Physics جۋرنالىندا جاريالاپ، باسىلعان وسىمدىك ەتىنىڭ تابيعي گوربىل بالىعىنىڭ ەتىمەن 90% ۇقساس بولعانىن مالىمدەدى. بۇل ۇقساستىق تەك "تەكستۋرالىق سيپاتتامالاردا" عانا ەمەس، سونىمەن قاتار تاعامدىق قۇندىلىقتارىندا دا بايقالدى.
الەم بويىنشا شامامەن 90% بالىق رەسۋرستارى تاۋسىلۋ شەگىنە جەتكەن. سوندىقتان وسىمدىك نەگىزىندەگى بالىق ەتىن ءوندىرۋ ءداستۇرلى بالىق اۋلاۋعا بالاما بولا الادى.
3D-باسىپ شىعارۋ – بۇل سيفرلىق مودەلدەر نەگىزىندە كولەمدى ونىمدەر جاساۋ ءادىسى. پرينتەر ماتەريالدى قاباتتاپ جابىستىرىپ، ءۇش ولشەمدى بۇيىمدار جاسايدى. بۇل ادىسپەن كىشىگىرىم زاتتاردان باستاپ، دەنە مۇشەلەرىنە جانە ءتىپتى ءبۇتىن ەلدى مەكەندەرگە دەيىن باسىپ شىعارۋعا بولادى.