الداعى رەفەرەندۋم «ەستيتىن مەملەكەت» تۇجىرىمداماسىنىڭ جۇزەگە اسۋىمەن تولىق سايكەس كەلەدى، دەپ حابارلايدى aqshamnews.kz
ساياسي عىلىمدار دوكتورى جومارت سيمتيكوۆتىڭ ايتۋىنشا، قازاقستاندا اتوم ەلەكتر ستانسياسىن (اەس) سالۋ ماسەلەسى بويىنشا رەفەرەندۋم وتكىزۋ «ەستيتىن مەملەكەت» تۇجىرىمداماسىن جۇزەگە اسىرۋمەن تولىقتاي ۇندەسەدى.
– الداعى رەفەرەندۋمدى دەموكراتيالىق پروسەستىڭ وڭ اسپەكتىسى رەتىندە قاراستىرۋعا بولادى. ەڭ ماڭىزدىسى – فيزيكا جانە يادرولىق ەنەرگيا سالاسىنداعى مامانداردىڭ پىكىرى ەسكەرىلەتىن بولادى. مەنىڭ ويىمشا، ەلىمىزدە اتوم ستانسياسىن سالۋ ەنەرگەتيكالىق جانە ەكولوگيالىق ماسەلەلەردى شەشۋگە مۇمكىندىك بەرەدى. بۇل «جاڭا قازاقستان» ماقساتتارىنا جەتۋگە، سونىڭ ىشىندە ادىلەتتى قوعام قۇرۋعا سەپتىگىن تيگىزەدى، – دەدى عالىم.
جومارت سيمتيكوۆ اەس قۇرىلىسى قازاقستاندا ءبىرقاتار باعىتتاردى دامىتۋعا مۇمكىندىك بەرەتىنىنە توقتالدى.
– بىرىنشىدەن، بۇل ەلىمىزدى ەنەرگەتيكالىق تاۋەلسىزدىككە جەتكىزەدى. ەكىنشىدەن، ەنەرگەتيكا سالاسىنداعى ايماقتىق باسەكەدە كوشباسشىلىق ورىندى ساقتاۋعا مۇمكىندىك بەرەدى. ۇشىنشىدەن، سيفرلىق تەحنولوگيالاردىڭ دامۋىندا ەنەرگيا تاپشىلىعىن بولدىرماۋعا كومەكتەسەدى. تورتىنشىدەن، وسى سالادا بىلىكتى ماماندار دايارلاۋ جۇيەسىن دامىتۋعا ىقپال ەتەدى. بۇل ءتىزىمدى ءالى دە جالعاستىرۋعا بولادى، – دەپ اتاپ ءوتتى ساراپشى.
ساراپشىنىڭ پىكىرىنشە، رەفەرەندۋم وتكىزۋ فاكتىسى ەلىمىزدە اشىق قوعام قالىپتاسىپ جاتقانىن، وندا بيلىك پەن حالىق اراسىنداعى ديالوگ جۇمىس ىستەيتىنىن، ماڭىزدى ماسەلەلەر ازاماتتاردىڭ قاتىسۋى مەن پىكىرى ەسكەرىلە وتىرىپ، دەموكراتيالىق جولمەن شەشىلەتىنىن دالەلدەيدى.
– مەنىڭ ويىمشا، اەس سالۋ ەلىمىزدىڭ الەۋمەتتىك-ەكونوميكالىق احۋالىن جاقسارتۋعا ىقپال ەتەدى، – دەپ تۇيىندەدى جومارت سيمتيكوۆ.