ءماجىلىس دەپۋتاتى مۇقاش ەسكەندىروۆ:
قازىرگى تاڭدا ەلىمىزدىڭ وڭتۇستىك وڭىرلەرى ەنەرگيا تاپشىلىعىن قاتتى سەزىنىپ وتىر. بۇل ماسەلە الداعى ۋاقىتتا كۇردەلەنە ءتۇسۋى مۇمكىن. وسى جاعدايدى ەسكەرە وتىرىپ، ەلىمىزدە اتوم ەلەكتر ستانسياسىن (اەس) سالۋ – وڭتۇستىك ايماقتارداعى ەنەرگيا تاپشىلىعىن شەشۋدىڭ ەڭ ءتيىمدى جولى.
اەس سالۋ ارقىلى وڭتۇستىك وڭىرلەردىڭ ەلەكتر ەنەرگياسىنا دەگەن قاجەتتىلىگىن تولىقتاي قامتاماسىز ەتۋگە مۇمكىندىك تۋادى. بۇل شەشىم ەنەرگەتيكالىق تاۋەلسىزدىككە قول جەتكىزىپ، يمپورتقا دەگەن تاۋەلدىلىكتى ازايتادى. سونىمەن قاتار، سيفرلىق تەحنولوگيالاردىڭ قارقىندى دامىپ جاتقان كەزەڭىندە تۇراقتى ءارى سەنىمدى ەنەرگيا كوزى اۋاداي قاجەت.
اەس-تىڭ ارتىقشىلىقتارى:
- ەنەرگيا تاپشىلىعىن جويۋ: اەس ەلىمىزدەگى ەلەكتر قۋاتى تاپشىلىعىن قىسقارتۋ ارقىلى حالىقتى جانە وندىرىستىك سالانى تۇراقتى ەنەرگيامەن قامتاماسىز ەتەدى.
- ەكونوميكالىق تۇراقتىلىق: ەنەرگيا تاپشىلىعىن جويۋ كاسىپكەرلىك پەن ونەركاسىپ سالالارىنىڭ تۇراقتى جۇمىس ىستەۋىنە جول اشادى، بۇل ەكونوميكالىق وسىمگە وڭ ىقپال ەتەدى.
- ەكولوگيالىق تيىمدىلىك: اەس پارنيكتىك گازداردىڭ شىعارىندىلارىن ازايتىپ، ەكولوگيالىق احۋالدى جاقسارتادى.
اەس قۇرىلىسى ەلىمىزدىڭ وڭتۇستىك وڭىرلەرىندەگى ەنەرگەتيكالىق جانە ەكولوگيالىق ماسەلەلەردى شەشۋدىڭ ناقتى جولى بولماق. بۇل قادام قازاقستاندى ەنەرگەتيكالىق تۇرعىدان تاۋەلسىز ەلگە اينالدىرۋعا ىقپال ەتەدى.