جۇڭگو بيلىگى زياندى قالدىقتارعا كۆوتا ساتۋ جۇيەسى ىسكە قوسىلعانىن حابارلادى.
ساراپشىلار قورشاعان ورتانىڭ لاستانۋىنا ارنالعان رۇقساتتىڭ كوبەيۋى عالامدىق جىلىنۋمەن بايلانىستى پروبلەمانى كۇشەيتەدى دەپ قورقىپ وتىر، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
قالدىقتاردى ەسەپكە الۋدىڭ جالپىۇلتتىق جۇيەسى (ETS) شىلدە ايىندا شانحاي قورشاعان ورتا جانە ەنەرگەتيكالىق بيرجاسىندا (SEEE) جۇمىس ىستەي باستايدى. باستاپقىدا بۇل باستاما رەسپۋبليكادا وندىرىلەتىن پارنيكتىك گازدىڭ جارتىسىنا جۋىعىن قۇرايتىن ەنەرگەتيكا سالاسىنداعى ەكى مىڭنان استام ۇيىمدى قامتيدى.
ۇكىمەت ءاربىر ەلەكتر ستانسياسىنا جىلىنا بەلگىلى مولشەردە كومىرقىشقىل گازىنىڭ قالدىعىن شىعارۋعا قۇقىق بەرەدى. ەگەر كومپانيا «تازا» جۇمىس ىستەسە، ونىڭ پايدالانىلماعان لاستاۋ قۇقىعى (نەمەسە كۆوتا) ساتىلۋى مۇمكىن. اينالاعا كەلتىرەتىن ەكولوگيالىق زياندى ازايتا المايتىن كاسىپورىنداردىڭ قوسىمشا كۆوتا ساتىپ الۋىنا تۋرا كەلەدى. ەكولوگيا جانە قورشاعان ورتا ءمينيسترىنىڭ ورىنباسارى چجاو ءينميننىڭ ايتۋىنشا، جۇيەنىڭ پيلوتتىق نۇسقالارى قىتايدىڭ ءبىرقاتار پروۆينسيالارىندا سىناقتان ءوتىپ ۇلگەرگەن.
«سو2 قالدىقتارىنىڭ تونناسى ازىرشە شامامەن 6،18 دوللارعا باعالانىپ وتىر. بىزگە قىتايدىڭ كومىرتەگى بەيتاراپتىلىعىنا قول جەتكىزۋگە دەگەن تاباندىلىعىن كورسەتۋ ءۇشىن، قالدىقتاردى ازايتۋعا مىندەتتەلگەن كاسىپورىندارعا وڭ بەلگى بەرۋ ءۇشىن اقىلعا قونىمدى باعا قاجەت»، - دەدى رەسمي وكىل.
ساراپشىلاردىڭ باعالاۋى بويىنشا، قالدىقتاردى ساتۋ كۆوتاسى كەرى اسەر ەتۋى مۇمكىن. ءقازىردىڭ وزىندە ونسىز دا كومىرتەكتى كوپ قاجەت ەتەتىن كاسىپورىندار قورشاعان ورتا ءۇشىن بۇرىنعىدان دا قاۋىپتىرەك. SEEE بولجامىنا سايكەس، لاستانۋدى باقىلاۋدىڭ جاڭا نارىعى الەمدەگى ەڭ ءىرى نارىققا اينالادى جانە ناتيجەسىندە قحر-دا شامامەن ون مىڭعا جۋىق كاسىپورنىندى قامتيدى، ولاردىڭ كومىرقىشقىل گازى بەس ميلليارد تونناعا جەتەدى.
شىلدەنىڭ باسىندا «Frontiers» عىلىمي پورتالىندا جاريالانعان جاھاندىق جىلىنۋدان ادامزاتقا تونەتىن قاۋىپتەر تۋرالى جاڭا زەرتتەۋدە عالىمدار قىتايدىڭ پەكين، شانحاي جانە حاندان قالالارى لاستانۋ تۇرعىسىنان ومىرگە ەڭ ءقاۋىپتى ەكەنىن انىقتادى. بۇل قالالار ءبىر ادامعا شاققانداعى سو2 كونسەنتراسياسى ەڭ جوعارى ەلدى مەكەندەر رەيتينگىنىڭ العاشقى 25-ىنە كىرەدى.