ەندى شەتەلدىك ونلاين دۇكەندەردەن ساتىپ الىنعان تاۋاردى قازاقستانعا جەتكىزۋ مەرزىمى قىسقارادى، باعاسى ارزاندايدى. بۇل تۋرالى اlmaty-akshamy.kz «سامۇرىق-قازىنا» قورىنىڭ Telegram ارناسىنا سىلتەمە جاساپ حابارلايدى.
وسى كۇندەرى لوندوندا «Leaders in Logistics» سالالىق لوگيستيكالىق ءسامميتى ءوتىپ جاتىر. وعان قازاقستان اتىنان قاتىسىپ جاتقان «قازپوشتا» باسشىسى اسەل جاناسوۆانىڭ دەرەگىنشە، ءقازىر كومپانيا Amazon جانە AliExpress سياقتى حالىقارالىق ونلاين پلاتفورمالاردان ساتىپ الاتىن تاۋارلاردى ەلىمىزگە تەز ءارى ارزان باعامەن جەتكىزۋ مۇمكىندىكتەرىن قاراستىرىپ جاتىر. ونىڭ ايتۋىنشا، بۇگىندە Amazon-نان الىنعان تاۋاردى قازاقستانعا جەتكىزۋ قۇنى - 75 دوللار. ال، ولاردى ەلگە اكەلۋگە 30 كۇنگە جۋىق ۋاقىت كەتەدى.
«لوندونداعى فورۋم اياسىندا «قازپوشتا» باسشىسى ەستونيالىق «Omniva» پوشتاسىنىڭ باسشىسى مارتا ماگي جانە «Cainiao Europe Parcel Network» لوگيستيكالىق كومپانياسىنىڭ باس مەنەدجەرى دەننيس ليمەن كەلىسسوز جۇرگىزدى. ونىڭ ناتيجەسىندە قازاقستاندىقتار ءۇشىن تاۋاردى Amazon، Alibaba، Aliexpress جانە Lazada ونلاين ساۋدا پلاتفورمالارىنان جەتكىزۋ سەرۆيستەرىن جاقسارتۋ تۋرالى ۋاعدالاستىققا قول جەتكىزىلدى. ەندى بيىلدان باستاپ Amazon-نان ساتىپ الىنعان تاۋاردى ەلىمىزگە جەتكىزۋ مەرزىمى قىسقارادى جانە ونىڭ قۇنى 8 ەسە ارزانداپ، 7-9 دوللار بولادى»، - دەلىنگەن قوردىڭ Telegram ارناسىندا جاريالانعان حابارلامادا.