بۇگىن ق ر پارلامەنتى ءماجىلىستىڭ ءتوراعاسى لاۋازىمىنا ەرلان قوشانوۆ سايلاندى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
اتاپ ايتقاندا، ق ر كونستيتۋسياسى 58-بابىنىڭ 1-تارماعىنا سايكەس، ق ر پارلامەنتى ءماجىلىسىنىڭ ءتوراعاسى مەملەكەتتىك ءتىلدى ەركىن مەڭگەرگەن دەپۋتاتتار اراسىنان پالاتا دەپۋتاتتارى جالپى سانىنىڭ كوپشىلىك داۋسىمەن جاسىرىن داۋىس بەرۋ ارقىلى سايلانادى.
ەرلان قوشانوۆتىڭ كانديداتۋراسىن ءماجىلىس دەپۋتاتى باقتىقوجا ىزمۇحامبەتوۆ ۇسىندى.
داۋىس بەرۋ ناتيجەسى بويىنشا پالاتا دەپۋتاتتارى ق ر پارلامەنتى ءماجىلىسىنىڭ ءتوراعاسى قىزمەتىنە ەرلان جاقان ۇلى قوشانوۆتى ءبىراۋىزدان سايلادى.
سونىمەن قاتار ءماجىلىس ءتوراعاسىنىڭ ورىنباسارلارى سايلاندى.
«ق ر پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋسيالىق زاڭى 9-بابى 8-تارماعىنا سايكەس، پالاتا دەپۋتاتتارى اراسىنان ءماجىلىس ءتوراعاسىنىڭ ۇسىنۋىمەن پالاتا دەپۋتاتتارى جالپى سانىنىڭ كوپشىلىك داۋىسىمەن سايلاناتىن 2 ورىنباسارى بولادى. سوندىقتان وزىمە بەرىلگەن قۇقىقتى پايدالانا وتىرىپ، پارلامەنت ءماجىلىسى ءتوراعاسىنىڭ ورىنباسارى لاۋازىمىنا الدىمەن ءماجىلىس دەپۋتاتى البەرت راۋدىڭ كانديداتۋراسىن ۇسىنامىن»، - دەدى ءماجىلىس ءتوراعاسى ەرلان قوشانوۆ پالاتانىڭ جالپى وتىرىسى بارىسىندا.
داۋىس بەرۋ بارىسىندا وتىرىسقا قاتىسقان 97 دەپۋتاتتىڭ 96-سى البەرت راۋدىڭ كانديداتۋراسىن قولداپ، 1 دەپۋتات قالىس قالدى.
وسىدان كەيىن ءماجىلىس ءتوراعاسى 2ء-شى ورىنباسارى لاۋازىمىنا دانيا ەسپايەۆانىڭ كانديداتۋراسىن ۇسىندى.
«دانيا ءمادي قىزى - تاجىريبەلى ەكونوميست. كوپ جىل باسشىلىق قىزمەتتە، بانك سەكتورىندا جۇمىس ىستەدى. 7ء-شى سايلانىمداعى قارجى جانە بيۋدجەت كوميتەتىنىڭ حاتشىسى بولىپ، زاڭ شىعارۋ قىزمەتىنە بەلسەنە اتسالىستى. ءوزىن كاسىبي مامان رەتىندە كورسەتە ءبىلدى»، - دەدى ەرلان قوشانوۆ.
دانيا ەسپايەۆانىڭ كانديداتۋراسىن 94 دەپۋتات قولدادى، ءبىر دەپۋتات داۋىس بەرگەن جوق، 2 دەپۋتات قالىس قالدى.