شامامەن 21 ميلليون ادامى بار قالاعا لوكداۋن ەنگىزىلدى.
چەندۋ قالاسىنىڭ بيلىگى (سىچۋان پروۆينسياسىنىڭ اكىمشىلىك ورتالىعى، وڭتۇستىك باتىس جۇڭگو) بەيسەنبىدە كوروناۆيرۋستىڭ ورشۋىنە بايلانىستى قاتاڭ لوكداۋن ەنگىزدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
جەرگىلىكتى ۋاقىت بويىنشا ساعات 18:00-دەن باستاپ تۇرعىندارعا ۇيدە بولۋعا كەڭەس بەرىلەدى. بۇل رەتتە وتباسى مۇشەلەرىنىڭ تەك بىرەۋىنە تاۋلىگىنە ءبىر رەت COVID-19-عا تەرىس پتر-تەست بولعان كەزدە ازىق-تۇلىك الۋ ءۇشىن دالاعا شىعۋعا رۇقسات ەتىلەدى.
كاسىپورىنداردىڭ جۇمىس بەرۋشىلەرىنە جۇمىسشىلاردى قاشىقتان جۇمىس ىستەۋگە اۋىستىرۋ ۇسىنىلدى. تەك اۋىلشارۋاشىلىق بازارلارى، قاجەتتى تاۋارلارى بار دۇكەندەر، ءدارىحانالار مەن اۋرۋحانالار اشىق بولادى. قوعامدىق كولىك قوزعالىسى قىسقارتىلادى.
بەيسەنبىدەن باستاپ چەندۋ قالاسىنىڭ بارلىق تۇرعىندارىن جاپپاي پتر تەستىلەۋ ناۋقانى باستالدى، ونىڭ حالقى شامامەن 21 ميلليون ادامدى قۇرايدى.