كونسەرت الماتىدا قالا كۇنىن مەرەكەلەۋ اياسىندا وتەدى.
الماتىلىقتار 4 قىركۇيەك كۇنى ءۋاليحانوۆ اتىنداعى شوقان ساياباقتا، قازاقستاندىق مۋزىكالىق ساحناداعى ەرەكشە كوللابوراسيالاردىڭ ءبىرى – «وتىرار سازى» فولكلورلىق-ەتنوگرافيالىق وركەسترى مەن iFly ەتنو-ەلەكتروندىق توبىن تىڭداي الادى، دەپ حابارلايدى Almaty-akshamy.kz
OTYRAR SAZY & fly جوباسى قازاق حالىق اسپاپتارىنىڭ دىبىستالۋىن، ەلەكتروندىق مۋزىكا مەن بەينە شوۋدى بىرىكتىرەتىن، وركەستر سوليستەرى – دومبىراشى دانيار بايجۇمانوۆ پەن مۋلتينسترۋمەنتاليست گاۋھار جۇماعۇلوۆانىڭ ورىنداۋىمەن، سونداي-اق سكريپكاشى جاميلا سەركەبايەۆانىڭ بىرنەشە كومپوزيسياسىمەن تولىقتىرىلعان بىرەگەي باعدارلاماسىن ۇسىنادى. قالا تۇرعىندارى مەن قوناقتارى وزدەرىنە تانىس اندەردى، سونداي-اق وسى كونسەرت ءۇشىن ارنايى جازىلعان پارتيتۋرالاردى «جەلسىز تۇندە جارىق اي» (اباي)، «بيپىل» (حالىق ءانى)، «اقان سەرى» (مانماڭگەر)، «قاماجاي» (سوليست ءجاميلا سەركەبايەۆا) سياقتى شىعارمالاردا تىڭداي الادى.
«جوبانىڭ مىندەتى – ءداستۇرلى كومپوزيسيالاردىڭ جاڭارعان دىبىسى ارقىلى جاس قازاقستاندىقتاردى حالىق شىعارماشىلىعىنا، ال شەتەلدىك تىڭداۋشىلاردى قازاقستاننىڭ شىعارماشىلىعى مەن مادەني مۇراسىنا تارتۋ»، — دەپ اتاپ ءوتتى ن.تىلەندييەۆ اتىنداعى «وتىرار سازى» اكادەميالىق فولكلورلىق – ەتنوگرافيالىق وركەسترىنىڭ ديريجەرى ءدىنزۋحرا تىلەندييەۆا.
ءىس-شارانى الماتى قالاسىنىڭ اكىمدىگى «Forte Bank» اق، Mikhail Kravets ديزاينەرى، Movators كوممۋنيكاسيالىق اگەنتتىگى جانە IZImobile سيفرلىق موبيلدىك وپەراتورىنىڭ قولداۋىمەن ۇيىمداستىردى.
كونسەرت قازاقستان رەسپۋبليكاسى ۇلتتىق عىلىم اكادەمياسىنىڭ الدىنداعى الاڭدا شوقان ءۋاليحانوۆ اتىنداعى ساياباقتا وتەدى، (شيەۆچەنكو كوشەسى، 28، قونايەۆ كوشەسىنىڭ قيىلىسى).
ءىس-شاراعا كىرۋ تەگىن.
كەستە:
18:00 – DJ AIDAR (Cosmic Picnic)
20:00 – OTYRAR SAZY & iFLY
OTYRAR SAZY & iFLY: دىبىس ەرەكشەلىكتەرى
«باعدارلاما بارىنشا شىنايى ءداستۇرلى دىبىستالۋداعى شىعارمالاردان، سونداي-اق زاماناۋي، كەيدە اۆانگاردتىق ويىن تاسىلدەرى مەن اۋەزدى قيمىلداردى قولداناتىن جوبا ءۇشىن ارنايى جازىلعان پارتيتۋرالاردان تۇرادى. كونسەرت بارىسىندا وركەستردىڭ ءار اسپابىندا الدىڭعى قاتاردا جەكە ورىندالاتىن پارتيا پايدا بولادى، بۇل كورەرمەندەرگە بۇرىن - سوڭدى ەستىمەگەن تەمبرلەرمەن جاقىنىراق تانىسۋعا مۇمكىندىك بەرەدى»، - دەپ ءتۇسىندىردى الماتى قالاسىنىڭ مادەنيەت باسقارماسى.
ەستەرىڭىزگە سالا كەتەيىك، العاش رەت «وتىرار سازى» مەن «iFLY» ەلەكتروندى ارانجيروۆكالارمەن تولىقتىرىلعان قازاق حالىق اندەرىنىڭ باعدارلاماسىن EXPO-2017 كورمەسىندە بىرلەسىپ وينادى، وندا «ءبىر بالا»، «قۇسني قورلان»، «ياپۋراي»، «قۇستار ءانى» حالىق كومپوزيسيالارىنىڭ پرەمەراسى كەرەمەت جەتىستىكپەن ءوتتى. قازاقستاندىقتاردىڭ جاس ۇرپاعى ءۇشىن حالىق شىعارمالارى زاماناۋي ىرعاقتارمەن شىرقالدى.
2019 جىلدىڭ ماۋسىم ايىندا گوركيي اتىنداعى ساياباقتا «شابىت» جازعى امفيتەاترىندا كورەرمەندەرگە العاش رەت 1 ساعات 20 مينۋتقا جارىق جانە بەينە شوۋمەن تولىق كونسەرتتىك باعدارلاما ۇسىنىلدى.
2021 جىلعى جەلتوقساندا EXPO DUBAI 2020 بۇكىلالەمدىك كورمەسىندە OTYRAR SAZY & iFLY جوباسى شەتەلدىك كورەرمەندەرگە قازاق مۋزىكاسىنىڭ سان الۋان دىبىسىن كورسەتە وتىرىپ، ءبىر جارىم ساعاتتىق شوۋدى ۇلكەن جەتىستىكپەن ۇسىندى.