تاسىمالداۋ سالاسى قارقىندى دامۋدا
سوڭعى 10 جىلدا قىتايدان ەۋروپاعا ەەو ەلدەرى ارقىلى كونتەينەرلىك تاسىمال كولەمى جىلىنا 7 مىڭنان 600 مىڭ كونتەينەرگە دەيىن ءوستى، دەپ حابارلايدى Almaty-akshamy.kz Qazaqtv.com-عا سىلتەم جاساپ
ەۋرازيالىق دامۋ بانكىنىڭ باعالاۋى بويىنشا، ەڭ پەرسپەكتيۆالىق باعىتتاردىڭ ءبىرى – قازاقستان ارقىلى وتەتىن «سولتۇستىك-وڭتۇستىك» حالىقارالىق كولىك ءدالىزى.
مامانداردىڭ ەسەبى بويىنشا، ول ارقىلى جىلىنا 5 ملن تونناعا دەيىن سۋسىمالى جانە 2 مىڭ كونتەينەرلىك جۇك تاسىمالدانادى. 10 جىلدان كەيىن وسى باعىت 15-25 ملن تونناعا دەيىن كونتەينەرسىز جۇكتەردى جانە 300-600 مىڭ كونتەينەردى تاسىمالداۋعا مۇمكىندىك بەرەدى.
بۇل كولەمدى «باتىس-شىعىس» ءدالىزى بويىنشا قازىرگى تاسىمالداۋمەن سالىستىرۋعا بولادى. «سولتۇستىك-وڭتۇستىك» كولىك ءدالىزىنىڭ ارتىقشىلىعى «ەۋروپا-قىتاي/قىتاي-ەۋروپا» باعىتىندا ترانزيتتىك ۋاقىتتىڭ ايتارلىقتاي قىسقارۋى جانە تەمىرجول كونتەينەرلىك تاسىمالى كولەمىنىڭ ارتۋى بولىپ تابىلادى.