قىستىڭ سوڭعى كۇنىندە اۋا رايى قانداي بولادى

رەسپۋبليكا بويىنشا تۇمان ءتۇسىپ، جەل كۇشەيەدى

سينوپتيكەر قازاقستان بويىنشا اقپاننىڭ 28-ىنە ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.

"قازگيدرومەت" رمك ۇسىنعان مالىمەتكە سۇيەنسەك، ەلىمىزدىڭ باسىم بولىگى اۋقىمدى انتيسيكلون ىقپالىندا بولعاندىقتان، جاۋىن-شاشىنسىز اۋا رايى بولجاندى.

تەك قازاقستاننىڭ باتىسى مەن سولتۇستىگىنە اتلانتيكالىق سيكلون ىقپال ەتەدى، وسىعان بايلانىستى جاۋىن-شاشىن (جاڭبىر، قار)، كوكتايعاق، سولتۇستىكتە بۇرقاسىن كۇتىلەدى.

رەسپۋبليكا بويىنشا تۇمان ءتۇسىپ، جەل كۇشەيەدى.

استانا قالاسى: كوشپەلى بۇلتتى، جاۋىن-شاشىنسىز. وڭتۇستىكتەن، وڭتۇستىك-باتىستان جەل سوعادى، كۇشى 9-14، كۇندىز ەكپىنى 15-20 م/س. اۋانىڭ تەمپەراتۋراسى تۇندە -8-10°س، كۇندىز 0،-2°س بولادى.

الماتى قالاسى: كوشپەلى بۇلتتى، جاۋىن-شاشىنسىز. جەل، كۇشى 0،-5 م/س. اۋانىڭ تەمپەراتۋراسى تۇندە -3-5°س، كۇندىز +8+10°س بولادى.

شىمكەنت قالاسى: كوشپەلى بۇلتتى، جاۋىن-شاشىنسىز. جەل وڭتۇستىك-شىعىستان، وڭتۇستىكتەن سوعادى، كۇشى 5-10 م/س. اۋانىڭ تەمپەراتۋراسى تۇندە -1+1°س، كۇندىز +12+14°س بولادى.