قاڭتاردىڭ 12ءسى مەن 22ء-سى ارالىعىندا اقش-تىڭ لەيك-پلەسيد قالاسىندا قىسقى ۋنيۆەرسيادا وتەدى.
حالىقارالىق ستۋدەنتتىك سپورت فەدەراسياسىنىڭ وكىلدەرى بريۋسسەلدە باس قوسىپ، شاراعا دايىندىق بارىسىن پىسىقتادى. ءبىزدىڭ ەل دە وسى فەدەراسيانىڭ بەلدى مۇشەسى، دەپ حابارلايدى Almaty-akshamy.kz.
قازاقستان تاراپىنان باسقوسۋعا ۇلتتىق ستۋدەنتتىك سپورت وداعىنىڭ پرەزيدەنتى قايرات زاكيريانوۆ قاتىسىپ، قازاقستاننىڭ ۋنيۆەرسياداعا دايىندىعى جايلى باياندادى. بايراقتى باسەكەدە ەلدىڭ نامىسىن 84 سپورتشى قورعاماق. ولار قىسقى سپورتتىڭ 12 ءتۇرى بويىنشا ب ا ق سىناسادى.
«ۋنيۆەرسياداعا قاتىسۋ ءۇشىن سپورتشىلار حالىقارالىق دەڭگەيدە مويىندالعان ەكپە سالدىرتۋى ءتيىس. قازاقستاندا پفايزەر جوق. باسقوسۋدا وسى پروبلەمانى كوتەرىپ ەدىم، امەريكا تاراپى بىزگە قاجەتتى ۆاكسينانى جىبەرەتىنىن جانە ۆيزا راسىمدەۋگە قولداۋ كورسەتەتىنىن مالىمدەدى. 2017 جىلى الماتىدا وتكەن قىسقى ۋنيۆەرسيادانى حالىقارالىق ستۋدەنتتىك سپورت فەدەراسياسىنىڭ باسشىلىعى ۋنيۆەرسيادا تاريحىنداعى ەڭ ۇزدىك دەپ مويىندادى. ولار قازاقستاندىق ستۋدەنتتەرسىز ۋنيۆەرسيادانى ەلەستەتۋ مۇمكىن ەمەس ەكەنىن ايتىپ، سپورتشىلاردىڭ جارىسقا قاتىسۋىنا بارىنشا قولداۋ كورسەتەتىندەرىن مالىمدەدى»، - دەيدى قازاقستان ۇلتتىق ستۋدەنتتىك سپورت وداعىنىڭ پرەزيدەنتى قايرات زاكيريانوۆ.