پرەزيدەنت ديپلوماتتارعا تابىس تىلەدى.
«اقوردا» رەزيدەنسياسىندا 3 مەملەكەتتىڭ توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتالارىن تاپسىرۋ ءراسىمى ءوتتى، دەپ حابارلايدى Almaty-akshamy.kz اقورداعا سىلتەمە جاساپ.
سەنىم گراموتالارىن امەريكا قۇراما شتاتتارىنىڭ ەلشىسى دەنيەل روزەنبليۋم، سەررا-لەونە رەسپۋبليكاسىنىڭ ەلشىسى مۇحامەد يونگاۆو جانە مولدوۆا رەسپۋبليكاسىنىڭ ەلشىسى ليليان داريي تاپسىردى.
پرەزيدەنت ديپلوماتتاردى قازاقستانداعى رەسمي ميسسيالارىنىڭ باستالۋىمەن قۇتتىقتاپ، ولار وزدەرىنىڭ كاسىبي تاجىريبەلەرىمەن جانە قاجىرلى ەڭبەگىمەن ەكىجاقتى ىنتىماقتاستىقتى دامىتۋعا ۇلەس قوساتىنىنا سەنىم ءبىلدىردى.
قاسىم-جومارت توقايەۆ دوستىق جانە ءوزارا ءتيىمدى قارىم-قاتىناستاردى نىعايتۋعا باعىتتالعان بەيبىت ءارى اشىق سىرتقى ساياسات جۇرگىزەتىنىن اتاپ ءوتتى.
شارا سوڭىندا پرەزيدەنت ديپلوماتتارعا تابىس تىلەپ، ولاردىڭ مەملەكەتتەرىنىڭ باسشىلارىنا جۇرەكجاردى سالەمىن جولدادى.