تۋريزم جانە سپورت مينيسترلىگى وتاندىق جانە شەتەلدىك قوناقتارعا ارنالعان قىسقى دەمالىسقا بارۋعا تۇرارلىق ۇزدىك 7 باعىتتى ۇسىنادى، - دەپ حابارلايدى aqshamnews.kz.
ريددەر، شىعىس قازاقستان وبلىسى – باتىس التاي مەملەكەتتىك تابيعي قورىعى
ريددەر – قىستا ەرەكشە سۇلۋلىققا بولەنەتىن التاي تاۋلارىنىڭ ءىنجۋ-مارجانى. قالىڭ شىرشالى تايگا، اق قارعا ورانعان تاۋ بوكتەرلەرى مەن اسەم تىنىشتىق بۇل ايماقتى قىسقى دەمالىسقا تاماشا مەكەنگە اينالدىرادى.
قىزمەت تۇرلەرى: تاۋ شاڭعىسى، فريرايد، سنوۋبورد، قىسقى حايكينگ، فوتوتۋرلار.
ەرەكشەلىگى: باتىس التاي قورىعى قىستا ەرەكشە سانگە ەنىپ، تابيعاتى كوز تارتادى. بۇل ءوڭىر ەكوتۋريزمنىڭ ناعىز ورتالىعىنا اينالادى.
كاتونقاراعاي ۇلتتىق تابيعي پاركى
قازاقستانداعى ەڭ ءىرى ۇلتتىق پاركتەردىڭ ءبىرى كاتونقاراعاي قىستا مۇلدە بولەك ءبىر اتموسفەراعا ەنەدى.
نەسىمەن تانىمال: بەرەل قورعانى، راحمان قاينارى، قاراكول كولى، مۇزدى شىڭدار جانە قالىڭ قاراعايلى ورماندار.
قىستا: قار جامىلعان تاۋ شاتقالدارى، تۇمشالانعان تىنىشتىق جانە تازا اۋا تۋريستەر ءۇشىن ەرەكشە دەمالىس سىيلايدى.
بەلسەندىلىك: ەكوتۋرلار، حايكينگ، تابيعاتتا فوتو-جورىقتار.
الماتى قالاسى – تاۋ شاڭعى جانە قىسقى سپورت ورتالىعى
الماتى – قازاقستاننىڭ قىسقى تۋريزمىمەن تانىمال ءىرى ورتالىق.
شىمبۇلاق – ورتالىق ازياداعى ەڭ ايگىلى تاۋ شاڭعى كۋرورتى، ءتۇرلى دەڭگەيدەگى تراسسالارمەن جابدىقتالعان.
ارتىقشىلىعى: قالا ورتالىعىنان تاۋعا نەبارى 20-30 مينۋتتا جەتۋگە بولادى.
بۋراباي مەملەكەتتىك ۇلتتىق تابيعي پاركى
قىستا ەرەكشە سۇلۋلىققا بولەنەتىن بۋراباي – وتباسىلىق دەمالىس ءۇشىن تاپتىرماس ورىن.
نەنى كورۋگە بولادى: وقجەتپەس، بۋراباي كولى، قاراعايلى ورمانداردىڭ قارعا ورانعان كورىنىسى، تىنىش ءارى تازا اۋا، جايلى دەمالىس بازالارى بۇل ايماقتى جىلدىڭ سۋىق مەزگىلىندە دە سۇرانىسقا يە ەتەدى.
بەلسەندىلىك: شاڭعى، كونكي تەبۋ، قىسقى سەرۋەندەر.
كوكشەتاۋ مەملەكەتتىك ۇلتتىق تابيعي پاركى – شالقار-يمانتاۋ كولدەرى، قايىڭ توعايلارى
بۇل ايماق – قىسقى رومانتيكا مەن تىنىشتىقتى باعالايتىندار ءۇشىن تاپتىرماس ورىن.
ەرەكشەلىگى: اق قارعا ورانعان قايىڭ توعايلارى، تازا كولدەر، تىنىش ەكوجۇيە.
قىسقى بەلسەندىلىك: قارلى ورمان ىشىندەگى سەرۋەن، قىسقى بالىق اۋلاۋ، تابيعات اياسىنداعى فوتوسەسسيالار، تىنىش ەكودەمالىس.
جوڭعار الاتاۋى – جەتىسۋ ءوڭىرى
جوڭعار الاتاۋى – قازاقستاننىڭ جاس ءارى الەۋەتى جوعارى ەكوتۋريستىك باعىتى.
نەسىمەن تانىمال: بيىك تاۋ جوتالارى، قارلى اسۋلار، جابايى تابيعات كورىنىستەرى.
بۇل ايماق فريرايد اۋەسقويلارى، قىسقى جورىق جاساۋشىلار جانە تابيعات زەرتتەۋشىلەرى ءۇشىن قولايلى.
ارتىقشىلىعى: شىتىرمان وقيعالار ءتۋريزمى، تابيعاتتىڭ العاشقى كۇيىندە ساقتالعان ايماق.
باياناۋىل مەملەكەتتىك ۇلتتىق تابيعي پاركى
قىستا باياناۋىل ەرەكشە تىلسىم بەينەگە ەنەدى.
بەلگىلى نىساندار: جاسىباي كولى، قوڭىر اۋليە ۇڭگىرى، بوتاكوز شاتقالى، تورايعىر كولى.
قار جامىلعان تاۋ جوتالارى مەن ورمان ماسسيۆتەرى بۇل ايماقتى قىسقى ءفوتوتۋريزمنىڭ سۇيىكتى نۇكتەسىنە اينالدىرادى.
بەلسەندىلىك: شاڭعى تەبۋ، ەكوتۋرلار، تابيعاتتا فوتو-جورىقتار.