قىس قاھارىنا ءمىندى

ەلىمىزدىڭ ءبىرقاتار وڭىرلەرىندە وقۋشىلار ونلاين وقۋعا ءماجبۇر

قوستاناي قالالىق ءبىلىم باسقارماسىنىڭ مالىمەتىنشە، قاتتى ايازعا بايلانىستى بۇگىن ءبىرىنشى اۋىسىمداعى 9-سىنىپقا دەيىن وقيتىن وقۋشىلار قاشىقتان وقىتۋ فورماتىنا كوشىرىلدى، دەپ حابارلايدى Almaty-akshamy.kz Egemen.kz-كە سىلتەمە جاساپ. 

«اۋا تەمپەراتۋراسى -27 گرادۋس، جەل سەكۋندىنا 3 مەتر. قوستاناي قالاسىنداعى مەكتەپتەردىڭ ءبىرىنشى اۋىسىمىنداعى 0-9 سىنىپ وقۋشىلارى قاشىقتان وقىتۋ فورماتىنا كوشىرىلىپ جاتىر»، - دەلىنگەن حابارلامادا.

سونداي-اق شىعىس قازاقستان جانە اباي وبلىستارىندا ايازعا بايلانىستى وقۋشىلار ونلاين فورماتتا وقيدى.

«اباي وبلىسى اۋماعىندا اۋا تەمپەراتۋراسى -31 گرادۋس ايازدى كورسەتىپ تۇر. وسىعان بايلانىستى 30 قاراشادا ءبىرىنشى اۋىسىمدا وقيتىن 1-11 سىنىپ وقۋشىلارى جانە كوللەدجدەردىڭ 1،2 كۋرس ستۋدەنتتەرى ءۇشىن ساباق ونلاين فورماتقا اۋىستىرىلدى. شىعىس قازاقستان وبلىسىنىڭ التاي، تارباعاتاي، گلۋبوكوە، سامار، قاتونقاراعاي، كۇرشىم اۋداندارىندا 0-11 سىنىپ، وسكەمەن مەن ريددەردە 0-9 سىنىپ، جاڭا بۇقتىرما ەلدى مەكەنىندە 0-4 سىنىپ وقۋشىلارى قاشىقتان ءبىلىم الادى»، -  دەلىنگەن جەرگىلىكتى ءبىلىم باسقارماسىنىڭ حابارلاماسىندا.