“ناركوستوپ” جوباسى الماتى قالاسى جاستار ساياساتى باسقارماسىنىڭ قولداۋىمەن ناشاقورلار مەن ولاردىڭ جاقىندارى ءۇشىن ەكى ايدان بەرى تەگىن جۇمىس ىستەپ تۇرعان جەدەل جەلىنى ىسكە قوستى.
(8-727) 339-51-99، Whatsاpp +7-747-461-67-01 نومىرلەرى بويىنشا ادديكتولوگ ماماندار اۋرۋ تۋرالى ەگجەي-تەگجەيلى اڭگىمەلەيدى، كەڭەستەر جۇرگىزەدى. سونىمەن قاتار قاجەت بولعان جاعدايدا بىلىكتى پسيحولوگيالىق كومەك كورسەتەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ەسىرتكىگە تاۋەلدىلىك ءححى عاسىردىڭ وباسىنا اينالدى. بۇل تۇرمىسى جاقسى وتباسىلاردىڭ اۋرۋى دەپ اتالادى، ويتكەنى 90-شى جىلدارداعى ناشاقورلىقتان ايىرماشىلىعى، قازىرگى سينتەتيكالىق ناشاقورلار نەگىزىنەن تۇرمىسى جاقسى وتباسىلاردان شىققان جانە بۇل مۇنداي ناشاقوردىڭ تۋىستارى ءۇشىن كۇتپەگەن جايت بولادى. ەمدەۋدىڭ ءساتتى بولۋى كومەكتىڭ قانشالىقتى دۇرىس كورسەتىلۋىنە بايلانىستى. ءبىراق بۇل تاۋەلدىلىك سالىستىرمالى تۇردە جاس جانە ول تۋرالى اشىق اقپارات كوزدەرىندە مالىمەت از بولعاندىقتان، ناشاقورلاردىڭ تۋىستارى ۋاقىتتارىن جوعالتىپ الۋى مۇمكىن»، – دەيدى “Narkostop” جوباسىنىڭ ۇيلەستىرۋشىسى نۇرجان جاقىپوۆ.
سپيكەردىڭ ايتۋىنشا، جەدەل جەلى تەلەفونىنا كۇنىنە 30-عا جۋىق قوڭىراۋ كەلىپ تۇسەدى.
«انونيمدىلىك شارتىمەن كومەك كورسەتىلەدى. ءبىز ناتيجەگە قاناعاتتانامىز جانە قىزمەتىمىزدى ءتيىمدى دەپ سانايمىز. كەيبىر ابونەنتتەر وپەراتورلارمەن سويلەسكەننەن كەيىن ەمدەلۋ تۋرالى شەشىم قابىلدايدى جانە ءبىزدىڭ تەگىن كومەك كورسەتۋ توپتارىنا قاتىسا باستادى. تۋىستارى قيىن جاعدايعا تاپ بولىپ، تاۋەلدى بولىپ قالعان قالا تۇرعىندارىن بەيجاي قاراماۋعا، ۋاقىتتى بوسقا وتكىزبەۋگە شاقىرامىن. كومەكتەسۋ مۇمكىندىگىن ءوزىڭىز ىزدەڭىز نەمەسە ءبىزدىڭ تەلەفوندارىمىزعا حابارلاسىڭىز. وندا سىزگە بىلىكتى كومەك كورسەتىلەدى»، – دەدى نۇرجان جاقىپوۆ.
سونىمەن قاتار، پوليسيا دەپارتامەنتى 8-705-549-70-25 جەدەل جەلى تەلەفونىن ەسكە سالدى، وندا ازاماتتار ەسىرتكى قىلمىستارى تۋرالى اقپاراتتى جاسىرىن تۇردە حابارلاي الادى. ونىڭ ىشىندە ەسىرتكى سايتتارىنىڭ ترافارەتتىك جارناماسى سالىنعان ورىندار جايىندا حابارلاۋعا بولادى.