قازاقستان ءوز اۋماعىن سانكسيالاردى اينالىپ وتەتىن ايماق ەرتىندە پايدالانۋعا رۇقسات بەرمەيدى. ق ر سىرتقى ىستەر ۆيسە-مينيسترى رومان ۆاسيلەنكو ءماجىلىس كۋلۋارىندا وسىنداي پىكىر ءبىلدىردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«وزبەكستان-قازاقستان-رەسەي اراسىندا ۇشتىك گاز وداعىن قۇرۋ تۋرالى ۇسىنىس رەسەيگە سالىنعان سانكسيالاردى اينالىپ وتەتىن قۇرال بولماي ما؟ ونىڭ قازاقستانعا سالدارى قانداي بولادى؟» دەپ سۇرادى ب ا ق وكىلى.
ۆيسە-مينسيتر بۇل ۇسىنىس ءالى يدەيا عانا ەكەنىن ەسكەرتتى.
«قازاقستاننىڭ ۇستانىمى اۋەل باستان اۋماعىمىز سانكسيالاردى قانداي دا ءبىر جولمەن اينالىپ ءوتۋ ايماعىنا اينالماعان جانە اينالمايدى دا دەگەنگە سايادى. ءسىز ايتىپ وتىرعان ماسەلە تۋرالى ايتساق، ونىڭ مازمۇنىن تالقىلاۋعا ءالى ەرتە. ويتكەنى بۇل ازىرشە الدەبىر يدەيا عانا. ءبىراق قازاقستاننىڭ پرينسيپيالدى ۇستانىمى بار. قازاقستان ءوز اۋماعىن سانكسيالاردى اينالىپ وتەتىن ايماق رەتىندە پايدالانۋعا رۇقسات بەرمەيدى. سونىمەن بىرگە ءبىز سانكسيانى حالىقارالىق پروبلەمالاردى شەشۋدىڭ ءتاسىلى رەتىندە پايدالانۋدى قولدامايمىز»، - دەدى رومان ۆاسيلەنكو.