اقمولا وبلىسىندا تاۋەلسىزدىكتىڭ 30 جىلدىعىنا وراي «قازاقستان - ۇلى دالا ەلى» اتتى جاستار فورۋمى ءوتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
ساندىقتاۋ اۋدانىنىڭ كامەنكا اۋىلدىق وكرۋگىنىڭ اگروتەحنيكا كوللەدجىندە وتكەن شارانىڭ ماقساتى - جاس ۇرپاققا تاۋەلسىزدىكتىڭ 30 جىلدىق مەرەيتويىنىڭ ماڭىزىن جەتكىزۋ. سونداي-اق، ەلباسى نۇرسۇلتان نازاربايەۆتىڭ تاۋەلسىز مەملەكەتتىڭ قالىپتاسۋى مەن دامۋىنداعى ماڭىزدى ءرولىن كورسەتۋ.
«بۇل جىل - ءبىزدىڭ ەلىمىز ءۇشىن ەرەكشە جىل. ەگەمەندىككە قول جەتكىزگەنىمىزگە 30 جىل تولادى. ءبىراق قانشا جىل وتسە دە، ءبىز تاريحىمىزداعى ۇلتتىق قايراتكەرلەر مەن باتىرلاردىڭ ەرلىگىن ۇمىتپاۋىمىز كەرەك. مۇنداي فورۋمدار - جاس ۇرپاقتا پاتريوتيزم سەزىمىن وياتاتىن، ەلگە دەگەن سۇيىسپەنشىلىكتى قالىپتاستىراتىن جانە ونىڭ رۋحىن كوتەرەتىن بىرەگەي جوبا. جالپى فورۋم جوعارى دەڭگەيدە ءوتتى. وتە مازمۇندى كەزدەسۋ بولدى»، - دەدى كامەنكا اۋىلدىق وكرۋگىنىڭ اكىمى ماييا اركەنوۆا.
شارا سوڭىندا اۋىلدىڭ دامۋىنا ۇلەس قوسىپ كەلە جاتقان بەلسەندى جاستار ماراپاتتالدى.