قازاقستان وڭىرلەرىندە قار ارالاس جاڭبىر جاۋىپ، كۇن سۋىتادى، دەپ حابارلايدى Almaty-akshamy.kz.
«الداعى كۇندەرى رەسپۋبليكانىڭ باسىم بولىگىندە جاڭبىر، نايزاعاي، ەكپىندى جەل ساقتالادى.
ەلىمىزدىڭ سولتۇستىگىندە، شىعىسىندا جانە وڭتۇستىك-شىعىسىندا كەيدە ۋاقىتتا جاڭبىر جاۋادى، قازاقستاننىڭ وڭتۇستىك-شىعىسىنداعى تاۋلى اۋدانداردا 5 قىركۇيەكتە جاڭبىر مەن قار ارالاس جاڭبىر تۇرىندە قاتتى جاۋىن-شاشىن كۇتىلەدى.
ەلىمىزدىڭ سولتۇستىك-باتىسىندا، سولتۇستىگىندە، شىعىسى مەن ورتالىعىندا تۇنگى جانە تاڭەرتەڭگى ۋاقىتتا تۇمان بولادى دەپ بولجانۋدا.
ەلىمىزدىڭ سولتۇستىگىندە، سولتۇستىك-باتىسىندا، ورتالىعىندا اۋا تەمپەراتۋراسى تۇنگى ۋاقىتتا +2+10-عا دەيىن تومەندەيدى. كۇندىز +10+20 جىلىعا دەيىن ازداپ جىلىنادى.